今日１１點７，杰打電話黎叫醒我，好彩得佢叫我，唔係一定訓過頭！起完身，拿拿聲梳洗跟住汁野！無幾耐去
到天澤，諗住走得，點知奧利未到，等左陣，齊人，就出發！經過一輪既車程，去到兆康西鐵站，諗住等巴士，點知
等極都冇，於是坐的士去！去到黃金海岸，俾黎金點左獲，搞到又要係黃金泳灘行去咖啡灣，飛機佢地行到好似好火
咁！諗住黎齊晒人，可以起爐燒野食，點知冇賣炭，迫住要同間屈錢士多賣！買完炭，又以為燒得，點知無叉，搞到
黎金佢地又出去黃金商場果邊買！諗住起定爐等佢地番黎，點知個爐穿既，又要等佢地買鐵絲網番黎= =！唯有一邊
係到鋤ｄｅｅ，一邊等佢地番黎啦
無幾耐，乜都齊晒，開始動工，片刻，就起好一個，個個好似餓鬼咁，迫晒去個爐邊到，搞到我燒都冇得燒，
唯有去幫黎金起第個爐，又無幾耐，又起好左，於是就開始燒！當我地燒得興高采烈果陣，突然間落大雨，搞到個個
都好狼狽，唯有好傘遮住個爐，免得俾雨淋熄！落左陣，停雨，繼續燒！燒燒下野食途中，不停有入侵者－－蜜蜂！
於是我就好機警咁用膠杯蓋住佢，點知俾佢地話我變態，救佢地一命，重要話我＝０＝！
食飽左，去沙灘踢波，但要就住之前ｃａｍｐ整親果個傷口，所以玩得好無隱！踢完波，又番去玩，但見到好多
蜜蜂，後尾愈黎愈多，佢地個個嚇到雞飛狗走，呀肥就學我，又用ｄ杯蓋住佢地，點知後尾連林詠儀都玩埋一份，佢
叫呀肥用ｄ碟蓋住佢，搖暈佢！（頭先叫到咁大聱，話我變態，其實佢先係變態= =！）
玩完一輪蜜蜂，又落去沙灘玩數字球，玩左兩場。玩完又上去食野，今次 橋 埋對手，等食，皆因林詠儀同溫
嘉怡做義工，哈哈！不過ｄ雞翼好難食，有陣芥末味，但果陣有ｄ肚餓，乜都食晒落肚= =！
玩到９點就番屋企嚕，點知黎金又話肚餓，同杰一蕭陪左佢去７仔食野，但我唔想食，飲左包維他奶。走果陣黎
金請食雪條，正！！！
總結今日既ＢＢＱ，都算好玩啦，燒燒下又落雨，俾到ｄ驚喜人，其實落雨燒烤都幾好玩呀！ |
