今日俾學校打黎果電話嘈醒左，起左身，呆左陣，就玩電腦！

　　夜晚去左游水，排隊果陣見到呀肥同麥智勇（重有佢呀媽同呀妹）！入到去，ｄ水熱既，頂．．．．．好無癮！

游游下水果陣，我地見到個女仔超靚超索，成班人係到議論紛紛，冇幾耐，個女仔走左，佢地重要係到搵佢，哈哈！

不過話時話，個女仔好似得自己一個去游水，個樣重好憂鬱同寂寞，俾人個感覺好似好慘咁！

　　游完水，去左７仔食野，走果陣同杰買左包沙爹串燒食兩份食！番到頌富果陣，杰又係惠康到瘋狂買薯片同薯條

食，話咩睇【尋秦記】果陣食ｗｏｏ，我就買左ｄ糖，打機果陣食= =！

　　　今日訓到１點半先起身，跟住整野食！

　　　本來諗住今晚去游水，但係無乜人去，所以無去到，成個夜晚係到玩電腦！

　　　跟粟米罐頭說再見>.<！

　　今日訓到１１點半先起身，沖完涼食完野，就去華哥屋企，拎封請假信俾佢，叫佢聽日幫我交！

　　去華哥屋企果陣好搞野，撞到一個人，又係去同一曾同一室，之後先知佢係華哥細佬，我重以為係佢呀哥！果陣

超無聊，唔知點好，跟住佢開口同我講野，超好笑！入左華哥屋企無幾耐，林聰同劉展就黎左，話去飛機屋企玩！

　　飛機屋企隻狗好ｑ呀，但就好鐘意亂咁咬野同吠！我地係到打撲克同ｕ　ｎｏ，跟住又同飛機細佬玩ｃｓ同ｐｓ

２，飛機細佬好活潑呀= =！我地玩到６點半先走，番到屋企又係到玩電腦！

　　等不到也不要緊，重要的是我曾經等待過！

　　暑假既第一日，訓到1點，訓醒有咩做？　　　答案係打機過日子= =！

　　聽日要偽造一張請假信先得，唔係就有排受=0=

　　好想快ｄ到去ｃａｍｐ果日呀>.<

　　今日早會超多野搞，熱到我就快出煙。早會完，就上課室處理班務。最後幾分鐘呀ｓｉｒ訓話，得益不少！聽完

訓話，入禮堂聽野，好無聊，差ｄ訓著！小息完上禮堂睇【在世界中心呼喚愛】，好感人，超好睇，不過又係咁，睇

到一半就冇得睇，好無癮= =！

　　唉．．．話咁快就讀完中２啦，可能又要告別一ｄ同學，真係有ｄ難捨難離，希望下年又可以同一班啦！

　　放學之後，成班去左西九龍，陪我整ｍｐ３同買衫。行左超耐，先買到衫，大家都有收獲，正．．．

　　頂佢個肺呀，間死人ｍｐ３店都白痴架，拎部機俾佢整，佢話個師傅要３個鐘後先到，咁我地咪去行街囉，３個

鐘後番到去，佢竟然話個師傅唔黎，叫我放低部機係到維修。維修都唔緊要啦，重要維修成３０日，整過部新既都唔

洗咁耐啦！超白痴就係果個師傅，叫我地３個鐘後黎，自己都唔黎，搞到我地行黎行去　

　　放低部機後，就去西九龍中心食野，ｄ野真係大件甲抵食呀，２２蚊４餸１飯，重有汽水送，正爆！

　　食完野就番屋企嚕，係架車到吹水，都幾開心！

　　而家乜都唔知，只知道自己對眼就係爆咁濟=0=！

　　今日英文日，番到去好無聊，早上坐係禮堂到睇野。開頭睇話劇，不過好低ｂ，悶到我放著左，訓訓下，隱約聽

到有個鄉音好勁既人講野，跟住先知道，原來果條友仔係到教唔知咩英文字典，跟住冇理到佢，繼續訓，直置馬輝座

係到捉人，我先起身！

　　小息完之後，上禮堂睇【哈利波特３阿茲卡班的逃犯】，都幾好睇下，不過睇唔晒，無癮！！！

　　放學番到屋企，都係冇野做，打機過日子= =！

　　今日番去學校，科竹日，要整果個乜得雞蛋馬拉松，我地果組因為住到傾計，有好多人都唔做，所以搞到後尾果

１０分鐘先做，最終落敗收場！頂．．．今年暑期功課竟然有科學，搞鬼錯呀，死人蔡魔頭，唔好以為我地間學校係

到拎個幾個獎，就覺得科學好勁啦，係到做埋晒ｄ無聊野！

　　放學，去杰屋企坐左陣，就陪佢番學校買書，點知行到半路，已經聽到ｄ人話賣晒，所以冇番到去睇，跟住去左

細粒仔屋企睇碟。今次睇【變相怪Ｂ】，唔算太好睇，有少少悶，搞笑既地方得少少，搞到我有ｄ眼訓，吳靜雯竟然

睇睇下訓著左，哈哈！！！

　　番到屋企又打機= =！（近排打機打傻左）

　　頂．．．今日集完會，番到課室果陣，無啦啦孫ｓｉｒ入黎話要搵ｄ人代無番果ｄ領獎生領獎，我係其中一個，

好無奈！入到禮堂好鬼驚，驚一陣代領獎果陣唔知會點！係禮堂坐左陣，畢業禮就開始，聽果ｄ乜鬼校董係到吹水，

悶到我訓著左！話咁快就到我上台拎獎，比想像中好好多，冇咁怯場＾＾

　　放完學，番到屋企，沖完涼就去左細粒仔屋企睇碟！今次睇【德州電踞殺人狂】，都幾嘔心下，佢地嚇到係咁

叫，盧世華嚇到走左入去打機，打下睇下咁，飛機同吳靜雯都嚇餐死，得我同華哥冇乜野，可能我對呢ｄ野已經麻木

左啦，哈哈！！！

　　睇完【德州電踞殺人狂】之後，又睇【丐世英雄】，因為開頭果陣我係到打機，所以錯過左開頭果ｄ情節，不過

後尾果ｄ都超好笑呀！

　　睇完碟番到屋企，又係到打機= =！

　　呢兩日都係做埋同一樣野──打機= =！

　　今日要番【創意科技．資料科技開放日】，最鬼無聊呀，星期六都要人晨早流流起身，番到去就得個坐字，悶到

嘔，重訓著左幾次。

　　哈哈，今日ｍｉｓｓ羅睇我地班，迥世華超慘呀，因為佢同我傾計，但ｍｉｓｓ羅都睇我唔到，只係見到佢講，

跟住ｍｉｓｓ羅不停咁向劉ｓｉｒ打小報告，爆笑呀！！

　　放學番到屋企，又煲機，自己已經難以自拔啦>.<