今朝起身發覺自己好似病得嚴重左,而且把聲變晒,唔係好講到野,攪到我返工o既時候無咩心機,D藥好似無咩用咁,食左仲衰.好辛苦呀>.< 而且公司有個同事又好似我咁病到死死下,希望我地都快D 好返啦~

今朝一起身就喉嚨痛,好似已經病左咁,成身無晒力,返工o既時候完全集中唔到精神做野.(點解會咁o既呢?昨日明明仲好地地,一D 事都無,訓醒就咁啦?)跟住呀DICK比我收6 點去睇E 生,睇完返左屋企訓覺.

今日同mummy 行街街,之後返左屋企食飯,好耐無一家人咁齊人咁食飯喇,(自從我要返學開始就未試一齊食飯了)呢種感覺真係好幸福.好鍾意呢種感覺,好鍾意,真係好鍾意...唔知幾時會再有機會呢?

今晚係除夕,所以公司今晚收9 點,放左工之後同佢落左去天后食飯,跟住去左cwb 度睇架車車,今晚我地為左公司一個女仔鬧得好唔開心,人對愛情呢樣野總係自私o既,我唔鍾意自己個男朋友同其他女人fd ,同其他女仔玩好正常啫,佢仲要覺得佢得意喎,我唔開心都好應該,但佢一d 都唔明白,仲話我心胸窄喎,我真係好想喊,放低左個頭盔就自己走左去,自己一個人坐左o係條街度喊,心諗不如算數喇,可能大家真係唔適合對方,諗左好多好多野...但係自己又好擔心佢,所以就去左佢屋企搵佢,大家傾左一陣最終都無事,不過相信佢仲唔會明白佢講o既野已經狠狠咁傷透左我個心...

我小器..!? 我心胸窄..!? 你鍾意就當我係啦~
我唔鍾意咁樣!!
其實一直以黎每一次咁樣都有dd唔鍾意..
只係dd...真係dd~~
但今次將所有既dd全部發洩晒出黎,我係唔鍾意!!
我知我無講過你聽我唔鍾意
可能我敏感,我都唔知做乜可以咁唔鍾意,有乜咁唔鍾意
有時覺得無所謂,有時又會介意到而家咁...
點解 ?
我以為自己一直都唔放在眼內
直至今日,我先知,原來我真係好唔鍾意..
其實,都無d咩.. 點解件事好似小事化大咁..又係我..
男女既朋友,當然唔一定係男女關係
如果係咁,我都要煩好多人
我只係唔鍾意,點解個男人對每個女仔d態度都可以係咁
唉..
好煩
點解一件事
本來好地地..
會引伸到咁多個問題出黎..
一直唔係問題唔介意既事
今日通通都o向我眼裡面無限放大

今日佢放假,而我就收早.因為今晚約左d 同學打邊爐.今晚我收7 點,佢黎左接我,之後我地去左遊車河,去左中環睇大聖誕樹,好靚呀,而且我地仲一齊訐願跟住掛在樹上添,感覺真係好sweet,時間可唔可以就此停頓? 停頓在這個幸福的時刻. 之後我地就去左cwb度食野,不過今晚佢地都好似怪怪的...唔知做咩???