今晚公司開P ,所以放工後大家都留在公司玩,我地叫左好多野食,又有遊戲玩,個個都玩得好開心,而且仲影左好多相相添 ^^ 不過由於我飲左太多酒的關係,所以醉醉地,佢車左我返屋企之後我就好快咁訓著左喇.

今日係聖誕節,但係都要返工.聖誕係一個我好鍾意o既節日,一個好浪漫o既日子,所以我全日都好期待快D放工可以同佢過下二人世界.放工之後我地行左去尖東睇燈飾,影下相相,好開心呀.今晚真係好難忘...我好希望可以同佢永遠都咁好呀.

今日係平安夜,放左工之後佢無陪我,各自各咁返左屋企,佢連msg 都無send 比我同講句希望我快樂,大概係佢根本唔知道今晚的我很不快樂.平安夜...一個對我黎講浪漫的日子.今年竟然又要自己一個人過添.十分諷刺~其實今晚我只係想陪伴在他左右,就算無節目,唔講野都可以架,不過佢唔知道我所想的.

快樂~可以因為很簡單的事而快樂,亦可以因為很簡單的事而不快樂~

盒子　一層層
人心　一個個

佳節　盒子每層盛滿不同禮物
可是　有人的心還是空蕩著

女人覺得跟男人是同一個體
沒有了誰　就像少了一雙臂
就像心藏沒有了血管　就像血管裡沒有血

女人知道男人有理由
女人要求自己找節目

今日心情麻麻...無咩心機做生意(其實係最近o既心情都麻麻地.)所以今日的個人生意好差.下午個朋友仔無啦啦買埋藥藥過黎比我,見到佢真係好驚喜.(多謝你呀)

今日有個同事(HYVAN)last day,所以夜晚同埋幾個fd D o既朋友同佢farewell(有佢,我,hyvan,tomoko and billy ),好開心呀.大家玩到傻晒咁,哈哈......呢種感覺好正,好開心.仲影左好多古怪相添 ^^

夜晚返到屋企收到我助養o個2 個小朋友o既christmas card,好開心呀~有一張仲要係佢自己親手整架~

今晚公司要整地,所以佢要留o係公司睇住,大概要到朝早6,7 點左右,真係擔心,佢都仲未好返,又要捱夜.真係驚佢會太辛苦呀.
(我地好耐無2 人世界喇,我好掛住你呀.你知唔知道呀?o係我o既世界入面就只有你,你知道嗎?而你的世界入面會否又只有我呢?每一個人..心目中都會有一個放唔低既人..你的又會是我嗎?)

有時我以為我獨立到時,
原來其實我係寂寞。

今晚我真係好想可以陪住你架.在你病o既時候我想你是need我的,所以我想在你的身邊照顧你.我擔心o既心情,相信你唔會明白.(希望佢快D 好返啦)

情...到底係乜...
有時好唔想面對..但又唔可以失去..

今晚返學無功課交添,自己都有D唔開心~唔可以係咁,要努力D 先得喇.因為呢個係我同你o既理想 ~

創作,或許我不夠精彩~
但美術上,可能我還有一點靈感...

1. 這份問卷是誰傳給你的?
答:(FUFU 飛天狐狸)
2. 跟他在甚麼情況下認識?
答:(在他的生日會上認識的)
3. 認識了多久?
答:(um.......有3 年多了)
4. 他有什麼別於一般人的特點嗎?
答:(高大威猛,英俊靚仔...) 仲有好多,寫唔晒.
5. 在你心目中, 他是個怎樣的人?
答:好人,好好人....(不過成日蝦我) 哈哈......
6. 現在有想認識誰嗎?
答:(無諗過,因為我已經有好多好朋友)
7. 請傳給五人...
答:(KOBE,GARY,濤大俠,薰,VIVIAN)