今日大家都好像咩都無發生過一樣,我們放工之後返左佢屋企攞埋d 野就去石澳燒野食.大家都好似好開心咁.今晚我地買左大家都好鍾意食o既大瀨尿蝦,好開心呀.雖然有2 隻唔係好靚,不過都食得好開心.大概3 點幾,我地都已經好攰,所以決定返屋企喇,返到去,大家都無沖涼就訓覺喇.

今日佢同我講話覺得我好似已經認定呢段感情係最後一段,有就有,無就無.佢又講,話覺得我好似想放棄呢段感情.其實我真係已經認定左我同佢o既呢段感情係最後一段,如果最終都係唔可以起埋一齊,我仲可以有勇氣再接受第2 段新感情咩?我諗我已經唔可以了.對佢...我已經用晒我最後o既心血,亦係最後o既心機,要我失去佢,就好似要我失去一切.

今日係我同佢拍拖一齊半年的大日子.今天佢亦都放假.而我放左咁多日假亦在今天開始返工了.今日好忙,因為公司返左adicolor,到放工的時候我已經是攰到唔識得點形容,原本今晚約左佢去bbq,所以全日我好希望快點放工.到我T 的時候諗住打比佢約定時間,點知打左2 次佢無聽到,再打已經唔通了.起初我無諗到,只係嬲...其後我開始明白應該係佢電話無電啦.到左放工的時候,我不斷咁打比佢,但仍然係打唔通,我好擔心,真係好擔心...我企左o係條街到等,終於,收到佢o既電話了,我個心定左好多,不過有小小嬲,見到面之後不久,我們就開始鬧交,鬧左好耐,佢就話唔去bbq 了,叫我自己返屋企.我真係好唔開心.佢話佢好嬲,而且仲話覺得我好自私,唔為佢諗,仲話唔鍾意我管住佢,咁樣更加唔可以得佢個心,更話唔想對我灰心.究竟你想我點?人唔係想自己鍾意o既人緊張自己多d 架咩? 我做每一樣野都會諗佢先,佢o既話聽得我個心好痛..好痛...我o既心情已經趺到最底...

「很多時候　我要　謝謝你...和你相遇‥不會太晚　也不會過早  恰巧在愛意萌芽時‥」

18號..對我黎講係別有意思...
o個日係一個人月團圓的日子...
亦係果一晚,我們決定要一齊既日子。

愛情路趺倒既人鼓勵你去愛,而你..
亦係o向我愛情路趺倒既時候,扶起我既人..

 係我令你有勇氣...
而因為你既勇氣,亦令我勇氣同你踏出第一步
信心..同時建於呢一份感情上面。



 

明天我就開始返工喇,心情好開心呀.因為最近成日o係屋企好悶呀.

因為昨晚訓得唔好,攪到我今日周身痛>.<而佢無我o係身邊應該訓得唔錯啦.哼...我唔可以比自己習慣要有佢o係身邊先訓得好架.今日有點嬲架,因為佢明明講好話同我一齊食lunch,點知我就一直在等他的電話.到我返到公司先知道他已經外出食飯,但他仍然係一個電話都無打比我,佢知唔知道我是餓著肚子在等他的呢?其實唔可以一齊食飯根本唔係咩緊要o既事,佢抽唔到時間打比我亦唔緊要,因為我知道他今天一定很忙,只係我嬲的是他在食飯的時候連電話都唔打個比我,起碼都叫我自己食野,不要等丫...他是明知我一定會等他的.究竟佢有無緊張我?o個一刻佢究竟有無想過我?最終...我全日都無食過野,因為再無胃口了. 好明顯佢唔係將我放o係第一位...所有野我自己心裡亦開始明白...所以細微的事令我開始明白了.女人莫過於想找一個永遠都會將自己放在第一位的男人,而我很明顯是找不到...

夜晚,我去左接佢放工,我好似有好多野想同佢講但又好似無...都唔知自己想點?不過我知道佢係因為個電話用唔到自無打比我,原諒佢啦.不過今日對住佢感覺好似怪怪的...係我自己問題.究竟我需要一個點樣o既男人呢?

有樣野令我好開心....因為佢話我整o既野好食呀.hehe....^^

今日我好懶豬呀,訓到差唔多4 點先起身.幫佢執下間房跟住我就返CWB喇.今日我整左cookie,個樣好衰呀.今晚,我無過到佢度,原因係佢想真正咁休息下,真係無諗過自己o係佢身邊原來係咁阻住佢,原來會令佢得唔到足夠o既休息.同我o既諗法差太遠了,我...一直以為佢同我一樣只要對方可以o係自己身邊就咩都唔怕,唔覺辛苦,只會感覺幸福同埋開心.原來我只會令佢失去好多,包括自己o既時間同足夠o既休息...我以為佢同我一樣都好想我可以無時無刻o係佢身邊架,原來所有都只係我自己以為.佢都希望有自己o既時間同空間...點解我又會唔需要架呢?或者係我太依賴佢喇,太依賴佢令佢感到有壓力,我諗我要好好咁學習獨立一點.之前o既感情令到我唔想再去愛任何人,令我習慣自己一個.亦令我知道原來我可以一個人.直到認識到佢,佢令我愛上他,令我由習慣自己一個開始依賴佢,現在我又要好好學習獨立了.他對我很好,只是我是一個太麻煩的人.

今日佢放假,佢陪我見完E生之後我地去左行街街.之後返左佢度同佢屋企人落街食晚飯.最近我大多數時間都留o係佢度,(我地算唔算同居緊呢=^.^= hoho...)唔知佢鍾唔鍾意咁呢?佢會唔會覺得我成日痴住佢好煩呢?好想知道佢諗咩呀.唔...不過我覺得同佢屋企人相處得都好好,我好鍾意佢地呀.好開心.^^

但係...唔知點解,我總覺得我在佢心目中好似好無用咁,自己咩都幫唔到佢,其實我真係好希望自己可以每一件事都幫到佢,幫佢實現每一個dream,我好想做到佢背後o既女人.這就是我所希望的.我知自己在佢心目中仍然唔夠好,好想佢可以話比我知我有咩做得唔好,等我可以改.為左佢,我咩都願意改,願意做.只要佢講就得喇.