今日我同佢一齊入左去TKO 搵mummy 飲茶,佢都係第一次見我mummy 咋,唔知佢覺得點呢? 唔知mummy 又覺得佢點呢?飲完茶佢就陪我出去旺角睇E生,今日會o係面上做埋激光,開始做的時候我個心好驚,因為諗返上次o既痛楚,做完之後真係好痛.好痛..做完返左去佢度,我唔係好想講野,因為真係好痛.我成個人無晒心機,不過比上次好o既係有佢陪伴住我,我o既心情就算痛都好好多.

今日我同佢在公司都無咩點傾閒計,都各自做自己的事.而我自己亦想得很清楚, 一切隨緣啦.因為有好多野都唔到你諗,諗同現實根本就兩樣野,所以太執著都無用.

今日有4 個新同事返工,由於呀mile 今日放假,所以今天我就幫佢睇一睇住佢個仔,佢跟客咪幫下佢咁囉,不過今日都好靜,最近都係咁,生意極差,希望呢D 日子快D 過去啦.

放工同佢一齊返左佢度,大家都無再講返起o個件事,不了了之就算了.當然,此刻我亦都唔明白他心中所想的,只是他不提我就不提啦.今晚大家都好像是咩都無發生過一樣,就像平時的我倆一樣咁恩愛...

今日老公要返工,所以佢起身的時候我都醒埋.都唔知自己做咩無啦啦就攞左佢個電話o黎睇,其實我一心都只係諗住睇下佢係咪真係無save 到我所send 比佢o既msg架咋,根本無諗過check 佢,點知比我見到一個好唔開心o既msg ,係一個佢send 比人o既msg.稱呼,態度都好親密,令我感覺好唔舒服.最終我決定問清楚佢,我知道佢好嬲,因為我睇佢d 野,佢認為我係有心check 佢,我亦知道自己有錯,唔應該咁樣睇人D 野(就算我地關係幾親密都好),不過我真係無心,佢要咁諗我,我真係好唔開心.而我自己都好嬲,因為覺得佢過份,對我o黎講,佢地所稱呼的太親密了,做朋友應該有個底線,這是我所認為的.所以我們大家最終都係傾得唔愉快.我完全唔知自己想點,可以點,我個心好痛,傷心到喊都喊唔出.佢同我講佢地無野,我會相信佢囉,我只係要個知字啫.我根本唔知佢有個咁o既朋友,在這情況下我唔開心亦好正常啫.我只係太緊張佢啫,所有都係錯架原來.今晚上堂我一句野都無講過,唔想講野,唔想人理我,因為無人會明白.我只係想靜靜地諗下我應該點做.其實答案好簡單亦好明顯,我亦清楚自己應該要點做,只係捨唔捨得o既問題.我唔可以容忍自己個男人心裡面有第2 個女人,我講過最後我會放棄.如果真係要放棄呢段感情,我會放棄埋現在所擁有的,包括事業,學業,然後返singapore長住,因為已經無野可以留戀.但我又捨得,況且我係唔應該唔信任佢架.唉...我個心好難受呀.現在的我簡直係進退兩難.

今日同佢daddy 傾左好耐,發覺佢daddy 係一個好健談o既人.其實老人家就好似小朋友一樣,要我們主動同佢地溝通架.

今日係星期日,我同佢都要返工,由於昨晚驚自己太熟睡會整親自己的關係,所以訓下醒下,都無咩訓到,攪到個頭鬼死咁痛.不過都係決定返工.因為可以成日對住佢,係我唯一開心o既事.頭上面o既傷口令我感覺好唔知點,真係有D 討厭.今日LUNCH 同佢一齊食,雖然仲有一個同事,不過足夠令我開心架喇.放工,我地一齊返佢屋企,(基本上現在我大多數時間都會上佢度o既).返到去,佢約左個朋友落街傾計,做老婆的我當然係好乖咁留o係屋企等佢啦.hehe...我o係屋企玩下呢個新裝o既photoshopCS2,洗下白白咁啦.個photoshopCS2 好正架,多左好多野用,要摸熟D先得喇.老公大概三點半左右返到o黎,我地飲埋佢mummy 煲o既靚湯就攬到實一實咁訓覺豬喇.

今朝我本來已經返左公司,但頭上面o既傷口不斷咁好痛,所以早走,返左老公度.返到去,他先剛剛起身,同佢mummy 傾左一陣跟住我地出左去,原本諗住去太空館睇尼羅河,點知出到去已經開左,所以又要等下次喇.跟住我地落左去深水,好開心呀.老公係咁扮魚魚,笑到我丫,哈哈...今晚我地食左一餐好好味而且又好平o既晚餐,good...我鍾意呢種簡單o既歡樂.今日真係過得好開心呀~

ps:佢mummy 原來今個月14日生日架,點好呢?好想令佢mummy 有一個開心難忘o既BIRTHDAY 呀~