因為昨晚的事令到我同佢整晚都無訓過,我個頭更是痛得要命.我只覺得他很討厭我,我亦唔清楚我們的關係會變成點???今朝我起身返工正想幫佢在他電話按鐘鬧時見到他之前女朋友SEND 給他的msg,內容是很掛念他,愛他...我睇到之後十分嬲,叫醒他問個清楚,但他對我不加理會,令我很唔開心,我認為他是可以阻止她再send 這樣的msg 給他的,,佢大概可以跟她說清楚叫她不要再打擾我們的生活,但他無做過,這令我最不滿的.但他竟然發返我脾氣,一味說我不是,他為何不明白女孩子的心事呢?

今天工作十分辛苦,而且頭痛了一天,晚上仲要跟他鬧交,感覺自己很可憐.

今天我整天的工作就是不斷咁開TN同CHECK貨,完全無時間做生意,頭又係咁痛,一直痛到放工返屋企都仲好痛.今日LUNCH 的時候我想起他星期日說想食咖哩,所以今晚我就決定整日本咖哩比佢食,希望可以令佢開心下.點知到左放工的時候我們又因為一些小問題而鬧交,令到我真係好唔開心,我好想大叫,我唔明點解我幾努力想做得更好但始終都係未夠好???我個心好實,我唔知我要點做???點解點做都唔好??? 我要做個好老婆呀.............>.<

今天好不容易才等到收工可以見到佢,總覺得時間過得很慢,整天不斷咁想著他,我真係好掛住佢呢?放工佢黎try 左對Y-3 boot,好嚫佢 呀,著得 好好睇,一定要買^^跟住我地就去左causeway bay 返左我屋企攞野之後(不過最終都唔記得攞呢)就去左天后明記食野.

今日我的心情仍然因為昨晚的事令我唔開心.昨晚我口口聲聲的話我已不再介意,我會相信他,但其實我有介意,只是這句話我一直說不出口.因為不能接受,所以今天我的心情才會這麼爛.心中有刺的是一個一直都說對我是如此認真說永不會騙我的人為甚麼他原來由一開始就欺騙我,我還可以相信誰?我大概是一個會被過去的人事拖著不能前走的人,而我要點才可以跳脫現在這個狀況? 機會和忍受我是有做過的,不過看來還是不太湊巧,我不想要走到這個地步,我知很任性,但我真係好愛佢架.咁我應該點做好呀.老公係咪好辛苦呢?( 愛可以令人忘記時間,時間也可以令人忘記愛 ）

人都是弱勢動物      尤其獨立
淚水有時候不是因為真的難過而流下
那都只不過是我渲染情感的發洩方法
幹嗎? 揣測我的脾性都是一件難事
其實我只是想找一個我愛他
他又願意全心保護照顧愛我的人
卻原來都這麼難

收藏在我心裡已有半年的事今晚我終於開口問他了.結果亦正實了很多我估計下的事,有d 更係我估計唔到o既事.一年的謊言一下子令我失望透了,再想到他們之前msg 的內容就更覺想吐,我不想去幻想他們的過去片段,卻又偏偏想了又想...很痛苦的感覺.對他我是真心對待,所以一直都顧濾應不應該直接讓他知道,我怕傷他也怕令他難過,但在選擇下我放棄忍氣吞聲.對不起...或者我應該要明白以我們現在的關係,我不應該想太多,因為我已經有你,大概是我太小氣了...

因為愛  我們掛除了萬難

也因為愛   我們就連最簡單的問題   也走不出困局

自尋煩惱   雙眼都沒有焦點

當上了當局者   腦部都停止運作

我看到的是   一堆無法解開的死結