今日佢返2 點,所以今朝我自己起身返工先.我起身整好晒野後搵左好耐都搵唔到隻介指,好唔開心呀.好驚會唔見左,我同佢第一隻o既情侶介指呀.

今日佢好似好病咁,係咁咳咳...好辛苦,唔想見到佢病,個心好痛,好想自己可以代佢病.希望佢快d 好返啦.工作上我同佢好多時都會有唔開心o既事,可能係佢太認真,又可能係我太過唔夠公私分明了...放工,同佢去左食粥粥,之後陪佢去睇 e 生. 我最鍾意同佢2 個人一齊,我只係要佢一個陪我就夠喇,其他的我都不要...

今朝起身返工,成個人都好痛,好似比人打左一身咁,好辛苦.我起身洗完白白就返工去了,而佢就仲訓緊覺,因為佢今日放假,加上佢又開始作病了,真係叫人擔心.返到公司我個頭仲係好痛,食左藥都唔得,所以只好要求dick 比我收早,原本諗住返屋企休息,夜晚,佢黎左接我,我地就出左去食野,跟住佢車我返屋企,點知返到屋企先發覺套U o係佢屋企喎,結果都係返左佢度訓.唉...點解我可以咁大頭蝦架?

今日pinky 結婚,之前答應左做姐妹,所以今朝5 點幾就要起身,very tired >.< 訓得2 個鐘咋,好眼訓.去到pinky 屋企係早上o既7 點幾,見到coco 令我真係好開心,因為太耐無見喇,雖然唔係成日見面,但一點陌生o既感覺都無,好朋友...有你一個就夠了.上到去見返好多好耐好耐無見o既朋友,雖然大家唔係話好fd ,不過見返大家都好開心,現在大家都已經有自己o既生活,今天在這個日子下相聚,係一件開心的事. 大概早上的8 點幾左右,新郎終於黎接新娘了,我地班姐妹當然唔會放過新郎同班兄弟啦,我地諗左好多野玩佢地,大家都玩得好開心.眼見新郎為左可以接走自己o既新娘,咩都很做,好感動呀.唔知我會唔會有咁感動o既一日呢?

今日我放假,起身之後換左床單就返左TKO,因為約左SHANSHAN 陪我整頭髮.我電左頭髮,唔知佢會覺得點呢?整完之後同SHANSHAN 行左一陣,好開心呀.夜晚,坐TAXI 返去佢度的時候留低左個電話o係架車度,攞唔返.好唔開心呀T.T" 佢送比我o既禮物黎架,而且電話入面仲save 左好多相同msg,對我黎講真係好重要架,現在所有都無晒喇...我真係好想喊,我o既回憶呀,比返我...

今日佢放假,原本好想佢今日會黎搵我食lunch o既,不過最終佢都因為太眼訓所以無黎到,有小小失望啦,不過都習慣左.其實最近都唔太期望佢會為我做D 咩,因為唔想再失望.但係最近佢好似愛多左我咁,呢種感覺可以為持幾耐呢?放TEA o既時候打極都打唔到比佢,佢又無留言比我,攪到我又唔知佢去左邊喇.