今日佢返2 點,昨晚煲左d 粥今日攞左返黎比佢lunch 的時候食,我可以做的只有咁,真係好想佢可以快D 好返,我唔想見到佢咁辛苦,好心痛...今晚我真係好想去佢度可以照顧佢架,不過佢都係想自己休息,大概係佢覺得我留o係佢身邊只會令佢唔可以好好休息掛,原來在佢生病的時刻係唔need 我架,係我高估左自己o既重要性.

今日o係公司我無咩同佢講野,眼見佢同其他人傾得咁開心,我真係好唔開心.記得星期一同佢鬧交的時候佢講過工作時間只有lunch 同埋tea 的時間先係私人時間,對住我咪係囉,我真係好唔鍾意咁,點解對住我又唔可以喎?我唔明白...感覺好難受...

一 段 好 有 感 觸 o既 說 話......好 似 同 樣 係 講 緊 我 自 己....

我係一個無想法又無主見既人
成日只係識得諗埋d怪野...

到有事決定唔到就要搵人幫..
甚至係自己根本唔係決定唔到
係毫無辦法落決定..

我信人地既說話,多過信自己覺得

甚至遇到唔開心既野,我都要搵人諗一個想法俾我可以令自己開心d..

原來我一直都係咁...
一直都唔可以令自己快樂
快樂...係人地俾既

今晚上左佢度,不過我同佢又鬧交了,之後佢無理到我自己食飯做自己野.o個一刻令感到我心灰意冷,原來鬧交了係可以完全不關心對方,雖然我知道今次係我無理取鬧,但無諗過佢會捨得唔理我,我好失望...根住我走左出去一口氣跑上13 樓,企左好耐,好想自己靜下,根住就返左落去.

虔誠來做準備　我失去你會跌得死　心要碎　全沒躲避　
是太愛你　還是不夠愛你　令我釋監　心已死

今日佢放假,好唔容易終於等到放工.今晚佢黎左接我,之後我地去左MK食糖水,跟住就返佢屋企.返到去,我地攞埋D 野就落左樓下洗車,洗車o既過程好開心,雖然有d 攰,不過感覺好好.我地大家都好努力將架車車洗得好乾淨,最終大家o既心機都無白費到,因為洗完之後真係好靚.hehe.....跟住我地返屋企一齊食杯麵,之後就洗白白訓覺覺豬.好響往呢種同佢一齊o既生活,覺得好溫馨幸福.

我享受跟你分享寧靜    另類浪漫  異常格調..
我喜歡跟你做   你我喜歡做的事
因為我感到   我們是同步進行
一起經歷　感受　共同回憶    尋找到相同的快樂情趣

今日我放假,起身之後返左cwb 換衫就出左去搵佢食lunch,好開心...因為呢種感覺好耐都無試過喇.諗起之前,我們大家放假都會出黎搵對方食飯,簡直幸福無比.

其實最近我發現他好似神神秘秘咁,每次攞起個電話時都好似有野唔可以比我見到,摭黎摭去.我唔知係咪多心,定係佢真係有野唔想比我知,不過每次我都無出聲,每次我都係扮唔知道.究竟佢個心諗咩呢?我又應該點做呢?我知我係應該信佢,但係我又好怕佢真係有野瞞住我,呃我.唉...我個心好亂呀......愛一個人真係咁可笑咩???