二零零九年八月十九日下午兩點
匹排 離開了我們..
其實近呢幾日上拉登度睇波時,
見到匹排瘦到得番排骨,
我地都好心痛.. 好想佢冇事..
可惜天意弄人, 今日, 佢離開左我地 :'(
認識 匹排 也兩、三年了,
由NOW TV開始播英超, 我地上去睇波,
開頭, 真係覺得佢好煩, 好污糟..
但, 慢慢.. 我都開始習慣左,
習慣左 買宵夜上去時, 佢會不斷求我地,
習慣左 唔小心跌左野食落地下, 佢會撲埋黎,
習慣左 走之前, 佢會係門口柯篤屎
仲記得我同振 成日整古佢..
又成日笑佢, 有時仲當佢係人咁..
呢排, 我地仲教識佢背叛拉登,
佢寧願同我地睇波, 都唔入房訓..
而家諗番, 都有多少感動
今天收到牠離去的消息, 我不相信!
遺憾.. 最後都要接受現實..
拉登, 我們也不捨得 匹排
但現在.. 只能 節哀順變..
相信 匹排 都唔想見到你唔開心
因為係佢心目中, 你係英明神武既主人
匹排, 你永遠都係我地既心入面..
Rest in Peace, Popeye..
P.S. - Popeye, i will remember how to spell. |
