今日真係好開心,因為我好快就做完d功課啦!我今日D功課唔多唔少,中文有:句式八句､抄書(十二)1-3段,Eng有:Comp.(7)､C.B.(Pg.28-29),Maths有:作業P.20-21､TSA P.68-69,今日一共有6樣功課,比起平日,已經算少嫁啦!平時多數都有7-8樣功課,特別係臨近考試果排。今日仲完成咗一件事呀,我已經拍咗少年警訊果個......唔知叫做咩,總知就係要錄之前比賽時講果d野,然後今日就錄完啦!

仲有,我呢排睇緊本書叫做F.1A,好好睇嫁,呢本書係關麗珊作嫁!如果得閒,就買嚟睇吓啦,唔錯嫁!

今個星期真係好開心呀!因為我哋(我)終於做完個常識專題研習啦,而且我哋仲係第一組交比Miss Chan嫁!其他組都話要星期一先至交得,但係因為我哋個專題好多都係我做既,所以其實我好驚,我好驚我唔比我d組員個野,老師比佢哋既分會好低,然後我驚佢哋會找我話我唔比d野佢做,整到佢哋個個人分好低分。不過我唸個老師都唔會比到好低分,因為其實個分工表都有寫佢哋係有做野既!

另外,我今日去咗一個服務生旅行,雖然o個到有好多館比你參觀,又有自然教育徑比人行........但係o個到真係有好多蚊,d蚊都好毒,都咬咗我10次。仲有,o個到有好多昆蟲,好恐怖。不過今日都玩得好開心!

呢個星期六，我將會好忙好忙(在朝頭早)。首先，我會在08﹕30回到學校參與女童軍集會，10﹕00放學。在12﹕15分會去旺角做鞋墊先至可以番屋企......做功課........溫書.........因為星期一仲要測中､英､常呀﹗都唔知道d老師唸咩野，已經在星期二要評估，功課又唔係少，........我知道...您哋係為咗我哋好先比d測驗我哋做。但係就算係為我哋，您比我哋做小測，就唔駛比這麼多功課我哋做啦﹗唉.............

但係，我都有一d野係開心既﹗就係我哋組做既常識專題既進度都幾快既﹗哈﹗希望我哋可以keep住呢樣好野啦﹗