19/8/2007
今日係七巧節,即係中國情人節!! (其實,我都唔知嫁)
岩岩係大陸返嚟,有D攰,雖然返左去兩日一夜,但,好似過得好耐咁
不過,幾攰都值得既,尋晚同表姐、明仔出去玩,成晚都好似好悶,但係酒吧果刻就比較輕鬆下,有時,壓力太大去一去Bar都無仿既,都係解壓力既一種方法!!
但,令我最開心既,就係去食糖水果陣,個肥佬突然失蹤左(果陣已經係差唔多係12:00嫁啦)亦即係情人節了!!!
跟住又突然出現左.........原來佢係去左花店買花送俾我,呢個驚喜令我.......好感動,亦都好開心;我當時都想做返D表示既,不過,又咁多人一齊係度食糖水,所以我都冇採取行動,只係笑一笑,雖然,無表露出嚟但,講到尾......心裹面都係"甜"0既,;因為,佢親手包果扎花俾我......
但,尋晚就有D狼狽,揾左好多間Hotel都已經Full曬,不過,最終都搵到;如果,唔係尋晚既經歷,我都唔知,原來大陸既情人節,係咁有
氣氛既,亦明白到佢D既.......特色
唔知點形容.......D Hotel 係會full曬囉.......呵呵
亦算係我地一齊咁多年,一齊過既第二個情人節,雖然唔係二月十四
唔係過西方情人節,但一樣都係咁有記念價值,值得回味一番
而我無估錯既話,我地係岩岩好過左一中一西既情人節,對上次係西方,而今次係中國既,都幾好........
不過,唯一唔好既就係.....今日我成身痕左成日囉,可能係因為我飲左凍0野既原因啦,.......因為,刮左痧之後,係唔可以飲凍野嫁,如果.....唔係就.....有排"苦"
聽日又要返工喇,唉 ! 又好似聽日開始,要做埋第二個部門既野喇 |
