今朝九點起左身囉，為既就係出去mk八度網聚，去唱Ｋ呢，開心。我搭mtr出到去之後，因為冇個認到樣，所以急急腳打俾佳叫佢快Ｄ死過黎幫我認人。佳都黎埋之後，我就跟埋佢去認人囉，一見就見到全部人過哂黎呢邊。點齊人之後就即刻走囉，去左創興中心間GreenBox度。唱左起碼四個鐘之後就完囉，之後起幾個會員離隊之後，我地其他人就去左燒野食了~~

        去到屯門之後幫手買野，起百佳買齊哂Ｄ野之後，跟茶姐去左蝴蝶灣燒烤場度霸爐兼起爐。我同洛一齊幫手起爐呢，點知突然間，其中一個讀「真光」既女會員手機響起。我地個個都嚴陣以待，因為佢講過話佢阿爸阿媽係好嚴的，傾傾下，佢阿爸阿媽竟然叫茶姐聽電話。茶姐聽聽下，竟然被問及人生經驗？！(事後講番先知)。然後為左送得番個女仔起十點半之前番屋企，咁多位八度會員搞盡腦汁，終於成功諗到一連串既解救方法，無驚無險又解決一件難題。

        而燒野食燒到後期果陣，由於個個都冇乜食慾但鑑於andy又唔想連食一個禮拜魚蛋既關係，我地玩左一陣非常之變態無良既遊戲。就係鋤Ｄ啦，鋤輸左果個逐張計，輸六隻或以下就單計，輸七隻至十一隻果Ｄ就雙計，十一隻或以上果Ｄ就三計。假如你輸左十二隻牌既話，就代表你要食番三十六件野架啦~~

        玩完變態遊戲之後，Ｄ野都食得七七八八了。而我地都打算走了，咁當我地行到去輕鐵站個陣，住得近果Ｄ咪上囉，我唔識路，惟有跟Lydia、鄧子、洛、茶姐同andy搭出市中心了。搭到中途，茶姐到站落先，之後又落埋鄧子同Lydia。我、洛同andy出到市中心之後，發覺巴士站靜到冇人有，一問個站長，原來全部日間車都走哂，要等通宵車了。咁我地三個咪惟有周圍搵小巴囉，咁o岩又搵到架43s出九龍果邊，諗緊上唔上果陣，andy話：「走先啦，唔先理我架~~」。咁之後我地就搭小巴出九龍了，沿途同洛係咁吹水，突然間聽到「o都、o都、o都、o都」咁聲，一睇發覺原來係架小巴已經超過左時速九十，好在出到荃灣之後，佢就冇咁癲了，怕被人捉呱~~

        出到美孚之後我落車了，因為我知道有架通宵車番東涌，點知過過下馬路果陣見到面前有架巴士經過，一睇原來就係我要搭果架。搞到我無啦啦要等多半個鐘，真係撞鬼~~

        搭搭下車個陣，阿媽突然打電話黎話如果兩點三之前番唔到去既話就鎖門，咁我起兩點鐘落車就梗係即刻飛奔番去啦。好在番到屋企都只係兩點二，僅僅好係限期之前番到去，真係好彩~~

        番到去就少不了俾人鵝一餐架啦，不過算啦，都慣架啦。俾人鵝完之後就走去沖涼，等個頭乾左之後就走去訓了~~

        今日我自覺真係玩得有Ｄ喪過頭，不過都幾開心既~~

        歡迎各位看後留言~~