今日好無聊呢，八點半起左身之後因受唔住睡魔誘引所以再度訓返。再起身個陣已經係十點半有多，心諗就黎要出旺角，不宜再訓，所以立即起身食早餐。食完之後同阿哥出去陪阿媽食飯，食完之後去左行新世紀廣場。行行下，阿哥打電話黎，我喂左幾廿聲佢都好似冇反應咁，心知部電話已經又壞左，又係一個好機會屈老豆同我換手機啦，哈哈哈。

        行完之後，死左返屋企整呢個日記版。今日呢個版係首次同大家見面呢，請大家多多指教呀！識我既就成日都上o下黎啦，唔識個Ｄ就希望可以由不同途徑知道我呢個網既存在啦。搞呢個日記都搞左我幾個鐘有多，真係激死，好在有識途老馬佳哥教我，如果唔係都唔知點算好……

        今日就係咁無無聊聊之下就完左啦，歡迎各位睇完之後再留個言，Ｔｈｚ~~