真係撞鬼，呢牌成日都要晨咁早起身去應酬，當然，今日都唔例外啦。今朝係去天水圍同阿爺飲茶，八點半起身呀，係我成個暑假入面最早起既一日呢。入到去天水圍之後，大約九點半度，我地飲飲飲飲飲，吹吹吹吹吹，餐茶就搞到成十一點幾先飲完。之後上左阿爺屋企，我地傾下家人近況咁囉，臨走前阿「女麻」塞左張一百蚊俾我，我心諗：「今鋪正呀！」。

        之後出左去荃灣，我問阿爸去黎做乜野，佢答左一個我點都估唔到既答案，佢同我講：「同你去換手機呀！」。我當堂真係啞哂，估唔到阿爸真係肯同我換手機喎。入到南豐之後，係不斷既搜索之後，終於都搵到間掂既鋪。我同阿爸講：「你睇下而家Ｄ6230i幾平呀，平過你初頭買個陣多多聲啦。」，唔知係咪呢句野既效果呢，阿爸最後真係同我換左部6230i喎，搞到我有Ｄ喜出望外tim~~

        番到屋企之後第一時間就梗係折開部機黎玩啦，玩玩下就熟左手囉。不過有好多野都安唔到落部手機度，真係失敗~~

        今日又係咁就過左啦，歡迎各位讀者看後留言。