各位有冇試過明明仲有大把時間，但係你阿爸阿媽就偏偏要你鬼咁早就做哂Ｄ功課佢呢？小弟就呢牌成日都試，真係講起都怕怕……

        我阿媽成日都話：「衰仔，你明明可以有兩個禮拜安安心心咁玩既，點解你係都要用盡埋果兩禮拜呢？」。我聽完之後真係無言以對囉，我諗各位都寧願日日都有得打機又做緊少少功課好過有一牌要做完好多功課都一Ｄ機都冇得打呀，你話係咪先？咁我之後咪串番阿媽囉，但我諗換黎既後果唔駛講都知啦。之後自己又呢埋左入房上網吹水，一路吹呀吹呀吹。吹過不亦樂乎之時，我阿媽無啦啦彈黎一句：「死仔，做乜做妙手仁心都唔提我睇呀？」。即場換黎另一刻既無奈囉，我無應到佢，自己上過網吹過水好過。

        玩玩下，突然間俾我發現到點樣入game落我部6230i度，真係正呀！當然即刻落番一、兩隻落去玩啦，揀左幾隻上網Ｄ人玩正既落去，有Ｄ玩過之後都其實唔係咁好玩，所以最後都係擺\左三隻就算。

        下個禮拜二應該八度有網聚呢，我去硬架啦，唱Ｋ炸嘛，駛乜驚o者？哈哈哈哈~~

-----------------------------------------------------------------------------------------------

        呢牌見八度好多人都寫文喎，軒起左一股文學熱朝呢。我冇興趣寫呀，自知文采唔好，費是寫呢Ｄ咁既野黎嚇親人啦~~

        今日又咁就完左啦，歡迎各位看後留言呢~~