今日好早就起左身啦，但係並非番教會喎! 而係約左auntie同阿嬋去德福聽果個咩音樂馬拉松，事關有我地間學校D人去唱歌...表演，

最重要係有思靈同iBee嘛，我地都係為左佢地而去聽架咋。10：30去到九龍灣地鐵站，但係阿嬋竟然遲到，真係估唔到呀!

跟住上到去見佢仲未開始，就走左去百住買野飲，點知後尾見壽司平，所以就買黎食喇! 食完番去就剛剛開始，我地校有兩個女仔.....

唱得真好好聽呀，但果隊豬骨就真係.....唱歌唱到佢哎歌..好難聽唷><"等左好耐先到思靈佢地唱歌，唱得唔錯啦! 等佢唱完之後，

我地四個一齊去左淘大，去海皇粥店食粥粥、蘿蔔糕，好味呀，唉"....仲0係果度俾人影左相，跟住思靈因為趕住番教會所以走先。

跟住我地三個行左淘大唔夠五分鐘就走左去APM，果度真係激大呀! 我地先係去左間野賣飾物既，諗住買咩咩俾佢嘛，但好多款式.....

所以揀左好耐都揀唔到，跟住走去夾糖糖食，再死番去果間鋪度再揀過，又揀左好耐先揀到咩咩俾佢。跟住再去唔知三聯定中華睇書，

仲撞到小學同學-阿芳同飛靈，但飛靈竟然唔多認得出我。( 唔通我個樣變左好多?! ) 跟住就係到睇鄭梓靈既初戀格子的襯衫，唔錯啦、

幾好睇，但睇左少少auntie就話眼訓要走，加上阿嬋又趕住番教會，跟住我地就番左屋企啦! 唉".....番到黎又係玩電腦、睇小說。