可能先幾日實在發得太多夢喇，所以今日冇發夢呀! 好失望"希望今晚會有夢發啦。今日又係番學、早起身既日子喇，真係想死咁滯囉。

唉"......超唔想番學呀，今日第一堂就係英文堂喇! 點解日日都要上英文堂呀?! 真係好唔明呀， 擬都悶到嘔，學校分明靠害啦，

想悶死哂我地。第三堂又係電腦堂，又係整果個Flash，堂堂都係整Flash。 到左家政堂，終於冇咁悶喇，因為要車條裙，可以走動下。

但搞左成兩堂，都係車得果一條邊咋，事關部部衣車都壞哂呀.....唉! 今日又係一年一度既兒童節呀，唔知各位"小朋友們"....(嘻嘻＾＾)

有冇收到D咩兒童節禮物呢?! 我都好想收到兒童節禮物呀"可惜我已經再唔係一個小朋友，而已經係一個真真正正既青少年黎喇! 不過，

我覺得做一個小朋友仲好囉，起碼唔洗擔心呢個測驗唔合格、擔心果個考試食雞蛋，小朋友永遠都係無憂無慮的、開開心心的。

如果能夠永遠都係一個小朋友、長唔大的，咁樣就好啦! 小朋友的時候，就想自己可以快D大個，但係人越大，就越想自己永遠都長唔大，

真係非常矛盾呀! 聽日又係一年一度既清明節，所以又放假喇，真係超HAPPY呀! 但聽日要勞力去溫書呀，星期五就要英文測驗喇......唉"