唔知發夢係咪好似發財咁，發開有條路既呢?! 我就覺得絕對係囉，因為尋日發完個搞笑而甜既夢，我今日竟然又再發夢啦! 點解會咁既呢?

我呢排都冇嘜點食甜品同朱古力，但每個夢都比食左甜品同朱古力甜，仲有一種好幸福既感覺添呀! 可能係因為我呢排睇得小說太多啦，

搞到成日發埋D有關愛情既夢呀，但係咁都唔錯＾＾嘻嘻! 而琴晚果個夢就係......無可奉告既，SORRY呀! 因為裡面有D野係唔方便公開既，

(但絕對冇三級、兒童不宜或者兒童雖要家長指引既野!)我可以話俾大家知既既，就係個夢都係好Ｓwｅeｔ同埋好搞笑既! 仲有今次個夢，

又係有好多我地班既人，除左Rr ,,,rainy、ibee之外，好多上次個夢出現過既人，今次都會再出現，仲有加多左兩個，就係小冰同蓓姐。

我真係Feel好奇怪囉，我都唔係好掛住我地班D人姐，但兩個夢都有我地班D人出現，而我掛住果D小學同學就一個都冇出現，有少許失望!

仲有今次個夢又係有一間大屋架，果間屋激似"浪漫滿屋"裡面果間FULL HOUSE，真係好令令呀，好想真正親身同自己鍾意既人去一次呀!

可惜我而家連鍾意既人都冇，到有果陣呀.....人地都未必肯同我呢件豬扒去啦，唉".....都係唔好俾自己再諗啦，我驚越諗就越傷心呀。

今日係星期六，唔洗番學番響屋企，悶到爆呀! 電視又冇野好睇啵，播埋果D百年殘片，即係送得去博物館展覽果D! 真係恕我唔識欣賞，

跟住就又係開電腦，ON ICQ、睇小說、玩下D低能到冇人有既GAMES同埋去下D論壇咁囉，因為冇野做嘛。今日睇埋尋日未睇哂既小說，

就係"+--情人系列 KINGDOM六子--+ 之 報復情人"啦! 真係好好睇，雖然裡面係有少少兒童不宜成份，但都係值得大家去睇下既。

果個女主角祈芯好慘囉，俾男主角蔣正濤傷害左咁多次，仲要成日俾幾個大奸友害添! 其實我覺得佢地一開始，已經係一個好大既錯誤，

但好彩最後都得到一個好好既HARRY ENDING! 呢個小說都幾慘架，搞到我呢個一D都唔眼淺既人，睇到中間已經忍唔住喊左出黎。

所以呢部小說真係值得一睇，如果好睇既話就推介俾D朋友啦!

網址----->http://www.novelasia.com/beta/novel/novel_view.php?novelid=16681