發夢呢樣野真係好奇怪! 冇既時候真係連一個惡夢都冇，有既時候真係日日都有，仲要係日日新鮮、日日新款。點解我有呢個想法呢?!

皆因我尋既又發夢喇! 今次呢個夢絕對係唔Ｓwｅeｔ既，不過都幾好笑架。個夢一開始......我就企響2A班房裡面(應該係掛?唔多肯定!)

跟住思靈無啦啦唔知響邊度彈左出黎，跟住佢就同我講野，跟住講講下......唔知點解就咁就講左去佢既擇偶條件俾我聽啵!(真奇怪唷>v<)

思靈既擇偶條件:第1＊唔洗太高..同佢差唔多就得同埋唔千祈好肥、瘦瘦地．第2＊要眼大大既．第3＊嘴唇少少厚都得同埋紅紅地既．

第4＊要白白浄浄既．第5＊最重要係同佢有一樣既hobbe既，好似鍾意睇鋼鍊、向達倫咁!跟住佢就話係好似我地班其中一個人架!

佢講俾我知果個人既時候，俾個死人鬧鐘吵鬼醒左呀! 搞到我差D掉個鬧鐘落地下，嘻嘻＾＾(暴力狂!)! 真係激死我喇，差少少就聽到架啦。

算啦.....可能係想我有思考既空間，動動腦吧! 唔知點解我會無啦啦發思靈既擇偶條件既呢，好奇怪呀?! 跟住我起身食完早餐之後，

突然好想汁下抽屜，跟住見到本紀念冊，諗番起好多小學時候既野呀! 好似第一次同好朋友吵架、第一次出外旅行、畢業營......等等，

(真係估唔到自己咁有記性!)發覺小學時候既我係幾咁幼稚、發覺小學時候既階段係最開心、發覺小學同學係最值得我地去珍惜架!

記得畢業營既時候，果次係我最深刻亦都係最開心既回憶。記得佢係三日兩夜既宿營，有一晚我地成班係間宿舍到玩枕頭大戰，

雖然係好幼稚、白痴既遊戲，但我地個個都玩得好開心。小學既時候我地全班都相處得好溶洽架，我同每一個人都FD既(男仔都唔例外!)

，仲有好多講得心事既真朋友。但上左中學之後，我覺得我真係冇嘜真心朋友囉，想同人傾下心事都唔得! 好想回到過去，返番小學時候，

但偏偏時光唔可以倒流，就好似沙咁.....一分一秒慢慢咁流走。