今日我終於明白到蕭xx既感受，完來做D咩咩報告果陣時，滿心以為我地會同佢一組，但點知我地卻冇同佢一組。

突然被人飛起果種感覺，完來真係好難受架!!!點解我會有呢種感覺?咪因為......今日我就約左我果組D人出嚟，

做果個英文報告。跟住我地就傾到大約1點幾，其實我地都傾左男同女既夏季校服點畫架啦，但後尾先知道......

除左要畫男同女既夏季校服，仲要畫埋男同女既冬季校服。但我地知道呢個消息果陣時，差唔多個個都走哂，

得我同程程知。跟住我就打俾啊邊個同佢講，之後啊邊個打俾我，佢話程程話我畫哂。(因為當時我地知道要...

...畫埋男同女既冬季校服果陣，我趕住上車，所以狂話"係呀!係呀!"，咁程程就以為我畫哂兩幅。)

我問啊邊個要點畫，佢就話跟番男同女既夏季校服，但我完全唔記得左。不過算啦......咪諗住一人畫多一幅囉!!!

但佢又話佢D畫唔靚叫我畫埋，但我真係唔識畫男仔。所以咪叫佢出多一次嚟，但佢又唔得閒喎。後來......

講左好耐都得唔到共識，佢就話一陣打俾我。點知就喺我等佢電話既時候，我聽到一個好唔開心既消息∼

啊邊個竟然叫第二組俾佢入，我當時聽到我真係唔敢相信，所以就打電話俾佢啦，佢自己親口認左。

我當時覺得真係勁唔開心囉，跟住仲唔知點解喊左出嚟。所以我突然諗起蕭xx，我真係真真正正明白佢既感受，

仲覺得好對唔住佢添呀!!!