今日係Day Seven，所以只係上中文、英文同數學呢六堂。但係今日就只係上兩堂姐，(點解呢?!)因為第三至到第六堂我地就去科學館。

諗住唔洗上堂，仲有得去科學館會好HAPPY添! 點知完來係要做功課架，作一篇150字『心中之最』既文呀，唉"......都唔知有冇搞錯架!

不過....算啦，起碼好過上堂先啦! 搭車果陣暈車浪囉，勁辛苦、勁想嘔呀(但最後都冇嘔到出黎∼)! 去到科學館，發覺都冇想像中咁悶。

仲有幾多野玩，玩左好多以前細細個成日玩既野，好似砌積木、吹泡泡....等等。果度仲有雞仔睇添架，番薯勁嚇果D雞仔囉，超搞笑呀!

果度有部機係要你跳高，跟住唔知整D嘜野架，D男仔就個個係到猛咁跳，扮哂野、懶高咁，唉".....算把啦佢地，好心就節省一下啦。

跟住大概11點到，就去番大堂果度集合，要去睇D咩科學實驗同埋睇段片，果度真係激大呀，仲大過D戲院添囉! 去到之後先發覺，

完來唔只得我地間學校去睇，我地坐位前面有一班4年班既小學生。佢地真係好得意呀，好主動咁同我地講野，阿婆仲同佢地雞啄唔斷咁，

哈哈＾＾真係超好笑呀! 跟住無幾耐就開始做實驗，但係果個女人真係當我地全部都係小學生咁教囉，問左好多我地已經知道好耐既野，

班小學生都幾聰明架，比著我係4年班果陣，一定唔會識答呢D問題呀。做完實驗就睇片，裡面有D兒童不宜既成份，有個女人係到餵奶，

搞到個個幾"激動"呀，睇完果個鏡頭無幾耐我就訓左，到左差唔多做完果陣，自己就唔知點解醒左。搭車番去果陣，我又暈車浪喇，唉"...

番到學校勁唔舒服，又頭痛、又肚痛，勁驚影響左個英文測驗。但測完之後，發現完來就算有冇唔舒服，個英文測驗都係死梗。因為......

份英文測驗真係超難，憎死趙xx囉，出卷出到佢咁難，我覺得佢想我地全部死哂囉。跟住係學校留左陣，番到屋企勁勁勁勁唔舒服，

所以訓左陣，跟住好左好多喇＾＾