2015年4月4日 晚上

今日預定睇白金漢宮ge衛兵交接

時間係11:30

見時間有d早就去左piccadily附近行街

11:00左右到林蔭大道戈頭, 人已經好多

迫住咁去到近門口一邊ge人行道等開始

唉...又只能怪自己矮, 一開始比前面d人遮住視線

後黎開始落雨, 前面ge人以為無得睇就離開

就咁就企到前面睇儀式

咚, 咚, 咚 ge鼓聲, 見到先係有警察騎住馬黎維持秩序, 後面跟住一隊衛兵

靠近我戈邊個警察仲係女警黎架, 都十分之英姿颯颯

等左大概五分鐘之後又開始咚咚咚, 又一班衛兵入去

因為係主要交通道路

每次都有五分鐘時間放車過, 再重新疏理人群, 再入一批衛兵,

我只能說成個過程真係...悶...人又多, 又落雨, 又浪費時間

我真係唔會再想睇第二次...

跟住搭地鐵去左利物浦站附近揾最有名ge Fish&Chips店食中午

叫左fish & chips ge 海鮮餐同四分之一隻雞,

點戈陣個店員姐姐認為我食唔到咁多, 仲要點雞

但係因為我堅持所以只好幫我落單,

份量真係唔少...食到我後期真係好飽,

無計la~一個人食, 又要試, 又要死撐...

跟住要走戈陣比我係附近發現有個市集,

買左細佬交代ge懷錶同多件飾物~都算係滿載而歸ge~

差唔多時間就去睇前幾日買ge第三套音樂劇<Wicked>

係最平, 但係最上層, 最邊邊ge位,

唉...一分錢一分貨la...睇到我一直出戲...無感動point...同<Les>真係差幾條街

買左碎冰飲料ge杯做紀念,

跟住就番去訓覺lu..

2015年4月5日 晚上

根據行程表, 今日只係plain左食英式下午茶,

所以差唔多九點先起身食早餐, 十點先出門口,

係Piccadily行街,

但因為復活節ge關係, 好多店都無開, 漫無目的咁係條街度行,

差唔多三點就去之前上網查過ge有名餐廳食下午茶

服務員姐姐推薦我飲水果味ge黑茶, 係芒果味, 芒果香味超舒服,

一set 糕點由上至下係, 魚三文治兩件, 鬆榚兩件, 蛋糕三件

外加另點ge三件馬卡龍~ 媽丫~我真土豪~

食完就番去休息la...復活節ma...無街行...