2015年3月28日 晚上

離家出走己經十二個鐘..

第一次係歐洲呢個完全陌生環境自己一個去旅行

琴晚同伴們一批批咁離開..剩低我一個獨守空屋..T^T

今朝一早七點起身, 汁好晒野就出門, 時間算有D趕。。

到左巴士站等唔到想要ge 24T, 是但上左一架去baixa ge車

好彩有個婆婆好人提我架車唔去baixa

我立即落車沖去火車站

到左之後又唔知架車係邊, 又係最後三分鐘問左個婆婆先趕到架車

到左AVEIRO之後等左半個鐘車到PORTO

當火車到左站之後, 立即比眼前GE景象震撼左, 

真係好好好好好好好好好靚丫！！！！

影左好多張相之後未行出火車站就見到換錢GE地方

咁岩我仲未換英鎊，以免夜長夢多，即刻換左500歐

我ge豪洗之旅先岩岩開始warm up

第一餐中午已經豪食左19歐$$

係DOURO河邊飲一杯SANGRIA已經用左2.5歐

買左一日黃巴睇晒PORTO名勝用左12歐

可惜今日食唔到FRANCESINHA，

聽日係星期日，好多店都唔開

講番個青年旅舍先~

係以電影為主題GE青旅, 我ge房間主題係E.T

我睇過其他房，除左間怪誔屍新娘同這個殺手不太冷其他都未睇過。O.O

果然同識ge朋友一齊住先可以比較自在

入住戈陣唔見人，到我想番黎休息戈陣就三個出現晒張床

仲要三個都係黑人女仔。。又只係開床頭燈

其中一個訓上面仲已經訓緊覺。。大佬,先八點唔夠JA。

我又唔想咁早訓，只好落大廳上網。。

點知。。。個廚房近，成班人係我後面又傾又食野,,感覺超尷尬。。

我真係諗住撐到九點先去沖涼訓覺架

依加又怕嘈到室友。。唉。。

聽日再遊多一日就要去倫敦LA

好期待好期待好期待^x^

2015年3月29日 晚上

今日九點左右起身流洗之後就繼續我gePorto之旅

因為今日想去行下Douro另一邊ge市集

出到大街搭黃巴又兜左一大圈,

係另一岸睇Porto就正好係明信片ge景色, 真係好靚~

用5歐買左一條魚項鍊,

臨近中午就係旁邊ge一間唔錯ge餐廳食Francesinha, 緊係加一杯葡萄酒la~

成餐用左16.75歐..

酒係唔錯, 但係個Francesinha就咸死姐la....

飯後繼續漫步岸邊再係Luis一世大橋下層行去另一岸

今日可能係太早過黎, 所以無人係度賣藝..

諗係琴日聽到一首小提琴ge <Thousand Year>, 個feel超好

可惜...

跟住向青旅方向行, 經過Rua das flores, 

美麗ge街道, 但係因為星期日好多店都無開..

趁早番到青旅收拾, 大概由五點開始上床訓覺, 準備第二日ge接駁巴

換左新ge roommate, 其中好似係一個男生...

米住...我唔係book ge係女生房咩?? 仲要訓我下層...

算..反正姐係凌晨會走老~~

管他的.