2015年3月15日 早上

星期五Susan大嬸黎左屋企煮大餐比我地食,

仲邀請左五個女仔同埋Nuno,Cecilia,

有一大鍋番茄意粉, 一大盤乳酪薯條烤馬介休, 一大鍋雞肉燜薯仔同一大鍋豬肉燜紅蘿蔔,

甜品有一大盤煉奶果凍同一大盤雞蛋布丁,加上水果酒

成十四個人都食唔晒~

第二日參加左學校組織ge一日團,

一大早將琴日食剩ge意粉同肉分放飯盒度

熱好就帶去做中午飯

因為個旅行係唔包中午飯

集合地點係學校前面ge廣場,

係遲到十五分鐘ge情怳下, 我地終於趕上大巴出發

目的地係Tomar, 距離Coimbra有兩個鐘ge車程, 係去Lisboa路程ge一半

第一站去左當年為葡萄牙聖戰騎士團ge大本營,

大到行左兩粒鐘都未行完, 入面成個迷宮咁

買左一枚紀念幣同一枚徽章做紀念

之後去左附近geM記食飯盒~喂~

下午去左馬房睇馬, 懈候我ge白馬~王子

點知佢竟然唔接受我ge愛

結果都係分開~笑...

之後去左睇杜羅河同河中城

晒到mama咁~仲要行石頭先入到城堡

好彩我身手敏捷~無跌落水~

番到屋企成身酸痛,,,

不過真係好好玩~^^