2015年2月23日 早上

今日係年初五, 唔講都唔知過緊年,

歐洲呢度真係一D都無新年ge氣氛,

好掛住過年戈陣成街炮掌聲同成地紅噹噹ge炮掌灰,

年年都幫爸爸貼揮春同包利是, 

利是丫~利是丫~今年無得收利是T^T

不過身為中國人, 雖然身處他鄉, 都一定會諗辦法過一過年,

年廿八係星期一, 因為忙住上堂, 所以年廿九戈日先打掃房間,

年三十戈日係星期三, 一早起身煮左個生蛋面, 

戴上紅色ge頸巾, 化妝打扮, 下午繼續番學

因為過年ge關係, 大部份同學都無黎, 個個都同屋企人同步睇春晚過年,

而我就同同居ge同學一齊係文學院ge咖啡店食葡撻過年,

跟住繼續去上堂....

落堂大家就趕去D.V一間中式自助餐食晚飯,雖然唔好食都食到超超超飽...

年初一同年初二都係番學中渡過....SAD...

年初三一大清早起身, 因為參加左Delegacao eco. e co. de Macau ge新年活動--里斯本一日遊

六點半起身食早餐, 七點三出門坐的士去火車站, 七點九上火車, 坐左差唔多兩個鐘到達里斯本,

因為集合時間係九點, 我地遲左半個鐘, 所以飛的去集合點戈陣就立即上大巴,

今次活動見番好多係里斯本讀書d同學, 行程非常滿意, 有得參觀, 又有得飲紅酒, 又有得食,

結束左之後我就同三個同學一齊留係里斯本住一晚, 第二日再遊里斯本

上午我地係Dom Joao, Dom Pedro, Dom Jose附近影相,

下年邀請到係度讀書ge同學Mario陪遊Belem, 過程真係一波三折, 

到左之後已經係下午五點, 出名ge葡撻店已經大排長龍

我地只好係附近行下, 參觀下修道院,紀念碑同貝倫塔,

因為時間ge關係, 我地匆忙咁坐巴士, 轉地鐵, 趕火車番科英布拉, 

到屋企戈陣已經係夜晚十一點...

好彩星期一上午無堂可以訓晏d..

下午收拾好心情就要繼續番學...T^T

希望新一年可以平平安安, 快高長大, 心想事成~