2015年2月10日 早上

你沒有把我的手捉緊, 就是我離開的原因..

雖不足以致命, 卻留下不可磨滅的傷痕..

現在早上十點, 剛起床, 腦海中一直殘留着夢中的感覺,

又是惡夢..

這可能也是我一直不敢放開自己接受新懈候的原因吧

前天在街上被外國人搭訕, 我一直不想理會, 只想離開,

因為我認為他們一定不是我要的人,

但是, 同行的女生跟我說, 

"你不要把每個來搭訕的男生都看作是唯一,

就當時交個朋友, 為真正的愛情作練習.."

我聽出來她的用意, 確實,

我從來不跟男生深交的原因是因為我一直把位置留給了那個唯一,

我怕愛錯了, 後悔莫及; 但從不想到錯過了, 更是遺憾..

一早起身就咁感慨, 講番琴日番學ge事la~

中午食完飯之後, 大家提早半個鐘行路上山番學,

行丫行, 行丫行, 真係好攰..

點知到左課室門前先知個professor例遲20分鐘,

妖, 早知唔行得咁趕la~ 仲諗住比好印象比佢添

第一堂的歷史堂, 老師一開口就知我今次死硬la,

係澳大戈陣我無修過葡國歷史, 佢講左一大串我唔知ge野,

除左巴西ge歷史同革命ge我略知一二, 其餘我都係幻聽中渡過,

救命丫~ 又要上歷史堂la~ 仲要一星期兩堂添.. 

老師第一日早落左一個鐘, 我地就去左學院2樓小cafe食下午茶,

我叫左個葡撻同朱古力蛋酥, 葡撻同澳門戈d好唔同, d蛋好似慕絲,好好吃,

跟住去左上口音聽力堂, 幾好玩, professor好nice,

完左之後就齊齊行番宿舍..

原本我以為唔同班戈兩個人會幫大家先煮好飯,

點解我太天真, 佢地去晒行街, 

番到去屋企仲聞到陣燒燶味, 

原來佢地出門前燒水無關火,真係非常危險, 

個犯人仲係超黑仔戈個,

因為佢一早起身發現佢掛係外面ge衫飛到人地屋企,(其他人最多只係飛落地)

跟住發現腰包放左係洗衣機度洗, 入面ge紅包褪色, 搞到成萬蚊染晒色

但係趕住上堂又要放低d錢,

今次又要煲燶水, oh my god~!

因為太肚餓ge原因, 有人提意各煮各,

我唔係好明, 大家都咁肚餓, 而廚房得一個, 點解要各煮各?

有人附和話每人口味都唔同, 各煮各好d,

但係你地有無諗到我地有六個人, 各煮各最後輪到戈個係唔係要餓死?

有人煮就自然有人食架la, 要甜d要咸d自己加調味料唔得咩?

好心你地就唔好咁自私la...

尤其是第一個話要各煮各戈個, 第一個番到到就開始煮,

食材係大家一齊比錢ge, 都同你講左有d食材貴要慳d食,

有咩可能你一個人拎咁多貴野係度煮,仲一面自然ge樣, 

我真係炆到都唔想理lo... 

自己煮一人份你地唔會覺得好浪費時間同食材咩?

我真係無野講lo... 

既然你地想各煮各lo, 食材自己任拎, 咁我都唔洗同你地慳啦, 

我真係唔想自己煮自己食咁麻煩lo..

第一個食完, 第四個都仲未開始煮, 我真係無語了..

仲講到我好似係唔想煮野好自私, 

我頂, 我又唔係唔幫手,

我唔識煮只少每次開伙我都有入黎幫手切下餸, 洗下pan,

好過你地每次只係想快d食到飯,

都同你地講過排下d清潔同煮飯,

每人輪住做有規律d又輕鬆d,

只少唔洗等邊個得閒做下好心出黎洗下,

唔一齊相處都唔知自己耐性係咁好...

我都比自己ge脾氣嚇親,

如果唔係為左慳戈筆房租同有個照應, 

其實我真係好想自己出去一個人住..

或者只係同兩個比較熟ge朋友一齊住,

六個人, 睇黎要慢慢磨合多一陣la..

唔講la, 去煮我ge獨丁丁早餐先...