2015年2月2日 下午

等左成個月, 終於都要飛啦~ 準備好行李之後, 就同蘭姐同埋中途遇見ge細佬一齊打的前往港澳碼頭.

入到去諗住托運下行李, 點知大喼竟然超重28kg, 即刻行埋一邊再汁過,

唉...汁到第三次戈陣由於時間ge關係, 最終都係被罰左150蚊,

同最好ge朋友say goodby之後, 入閘等上般~

因為係直達香港國際機場, 行李拎到之後就立即着手再汁喼,

最終係第十次先再大喼變做22.5kg, 小喼都係22kg,

不過好似因為亂中出錯, 有人將我d剪刀同指甲刀放左係我個hand carry度,

比海關查到仲dom左我一把眉剪同挑痘針,

過左海關之後就去左搞退稅, 總共係120港幣, 但係好快就比我食晒,

因為晚飯係機場入面食, 貴到真係離晒譜, 我食左雞柳飯套餐就用晒120蚊..

第一次係香港搭飛機, 仲係去歐洲添~

因為係長途機, 成程機覺得個pp同條腰坐到就黎斷,

好彩我地買中第一排, 前面無野阻住對腳, 又可以早d拎飯~

我睇左四套電影, 白髮魔女傳, 黑魔女, Lucy同埋X-戰警,

到左法國巴黎轉機已經係第二日ge九點, 行左一陣之後就乖乖咁坐低等轉機la~

不過呢程機就麻麻地, 得牛角包食,

到左葡萄牙之後,大家一齊租左一架大巴坐去讀書ge城市, 用左35歐

葡萄牙真係好靚~到處都係風景, 隨手影都靚~

下回待續