2015年2月5日 早上

好似又係因為時差問題,大家六點就起身等食早餐,

因為十一點先拎到屋,我地汁好野之後係房間玩左陣UNO~

我地租戈間屋係三樓, 無電梯, 所以搬行李戈陣真係重到死,

因為我地有六個女仔, 其中兩個女仔要住一間房, 房東仲幫我地拎多一張床同衣櫃,書枱,

房東係一個男人, 人nice又幾靚仔, 仲話我地如果缺咩都可以同佢講,

六個人一個月950, 又包水包電包煤, 算好好架la~

因為琴日學院office休息, 下午要趕去報到, 所以大家決定報到完先買日用品,

但係無端端比人帶左去Loja da Cidadao,

經過一番混亂之後先知係到左葡萄牙要三日之內黎呢到報到,

大概到六點幾先到我地班人, 聽d職員講話期間去左旅行要係三日內番黎呢度報到,

後來陪一個同學去買con, 歐洲呢度ge服務真係好到無得彈,

買副con都要查呢樣查戈樣, 仲不厭其煩咁聽我地d爛葡文,

之後番去L.C買左張11次ge巴士咭,

好似話遲d有學生証買會抵d, 但係我地最快都要19號先有...

睇黎真係要同呢度好熟la~

因為時間關係,我地都係去左D.V食晚餐,

跟住走之前去左掃日用品~

之後大家高高興興咁番宿舍汁自己間房,

番到去見到所有野都整整齊齊乾乾淨淨,

我地都懷疑係房東先生幫我地將d傢俱清潔晒,

都慳番我地唔少功夫去汁屋.

但係, 我地都無諗到即使搬左入黎都唔好唔記得夜晚好凍,

自己一間大房, 一個大衣櫃, 一張書枱, 一張櫈, 一張床, 一張被,

凍到我要起身着羽絨先訓得着,

心諗真係唔係好掂水, 一定要買多一張被或者暖爐,

但係一張被真係好貴...

起身之後去左廚房揾野食, 食左D士多啤梨,

之後起程去考入學試,

原來附近係有車到學院, 等我地琴日仲行左半個鐘上山,

考之前大家商量好一齊考C1, 因為一定會降一級, 最後我都係去左B2,

有兩個同學同班, 一個去左B2第二班, 兩個去左B1,

下星期就開學LA~希望可以識到異國靚仔la ~哈~

中午又係去左學校餐廳食, 一份2.40歐, 等於葡幣24蚊,

有包, 有湯, 有野飲, 有甜品, 有生果, 超抵~

跟住大家搭車去番琴日loja de cidadao附近行街,

因為戈度好多中國商店, d老闆都係中國人,

見到我地就一直同我地傾計,仲計平我地添~

買左一個電暖爐, 一對毛拖鞋,一個筆筒

跟住去左D.V食晚飯,叫左個Bacalhau, 7.5一份超貴,

因為呢幾日周車勞動又淋雨又凍,

終於我都中左招, 感冒...加埋我已經有四個病人,

真係超辛苦, 開頭喉嚨痛, 跟住打乞次, 然後鼻塞, 流鼻水,

琴日買左米, 今日一朝早就起身煮粥, 食左個橙, 

跟住同Celia去左Marcado買餸, 一齊煮中午飯,

下午就留左係宿舍休息養病, 希望感冒快d好番la...

(下回待續)