終於考完試.

好多科都應該唔合格.

考完之後就去唱k慶祝卡比生日.

10個人一間房.好逼.第一次唱k坐到咁逼.

個個唱到痴哂線.

唱到3點半之後,同大佬傑,李浩,勤,gag神,舜去左冒險樂園冒險.

夾錢買代幣.佢地玩氣墊球.個個都大力到打到飛哂出去.

o係gag神側邊睇佢玩.點知就成舊野打落我塊面.紅左,好痛.

之後玩射藍球.超好玩!

同呀勤射到第三關!

冒險樂園好多女~同呀勤見到靚女!

之後去m記途中又見到靚女.而家先知原來沙田都有唔少靚女.

5點半同gag神歸家去.

我塊面呀

而家每朝都同宜佢地塔的士.又可以訓遲d

呢幾日既天氣都好唔穩定.一時落大雨,一時又晴天.

搞到一時要開遮.一時又要收番把遮.次次都要摺遮真係麻煩.

每朝一番到學校跟住就同佢地分開樓梯行.但係次次上番5樓都撞番.都唔知有咩反應好.

星期二多謝陳sir果餐.食左兩塊pizza同少少飯.

但係師兄,任達佢地就去酒樓任飲任叫任食.ming同我都覺得我地好唔抵.

佢地食咁多野.我地食咁少野.唉.

星期四原本同宜走.不過最後因為改左放學即去唱k.所以無得同宜走.俾宜話大話精囉~

今日.原本phy test完同宜走.點知宜唔等我走左.唉.

番到屋企訓完覺之後去左勤仔屋企玩ps2.好耐無玩喇!

肥仔,大s都o係度.玩winning廢左好多.狂輸俾勤仔.

跟住aunt知我未食野.請我食麵,雞翼同金沙骨.好食.多謝哂!

玩到11點半走.聽日同勤仔出沙田睇袋.

不過有d想去欣教會果度.因為好似個個教會d人既fd都有去.但係欣就無fd去.

今日L'Arc~en~Ciel live香港站.

好想去睇!!!!!!!!!

最衰無錢.一張飛最平都要3百幾.但係要睇就梗係要買靚位去睇.

跟住仲有演唱會限定既TEE,護腕,場刊等等.

買哂所有野都差唔多要千幾蚊.

要怪就怪平時無"草"開錢.搞到無得去睇.

論壇d人睇完之後都話好正.成個場都好high.

hyde叫觀眾跟住全部都一齊跳.全場除左唱歌同講歌名之外都係用廣東話黎講.好有誠意.

而家越黎越後悔無買飛去睇喇.

早知果陣死都問呀媽借錢去買飛啦.

唯有寄望2011 佢地20th果陣會再黎香港開show啦/_\

L'Arc~en~Ciel呀!!!!!!!!!!!!!!!!!!!!!!!!!!!!!

              睇見呢幅圖都知氣氛好正喇!!!

Tetsu!

尋晚睇波由3點睇到5點半.

睇完之後訓得一個鐘左右就要番學.

番到去唔洗早會.上去班房訓左半個鐘.都未夠.

第一堂CIT繼續整部機.點知整整下呀sir先話部機點整都整唔到.哂時間.

中文堂miss無番.全堂拎左黎訓.放學又唔洗補課.可以同宜放不知幾好~

lunch同大佬傑慶祝生日.十幾個人食河合.好熱鬧.

不過.....唉.-9,勤仔同我都好無奈.

bio堂對完作業之後.miss葉講佢以前d野.講左大半堂.悶到我訓左.

放學o係班房等宜放.跟住同勤仔傾足球.

番到屋企on msn唔見宜就off左去訓.

又被蚊針.