十二星座人質
白羊人
反應敏捷，有大將之風，又有領導能力，不幸被擄唔單止唔會膽怯，仲可以做埋人質呢邊的代表添！不過都唔係冇缺點，佢份人好衝動仲要欠缺耐心，計劃唔係太周詳，亦鍾意自把自為，下決定時難免會犯錯，同係人質的你唔好靠晒佢，適當時間客氣d畀下小意見！
金牛座
為人穩陣又冷靜，心地善良，睇落去冇乜攻擊力，又有禮貌係個大好人，連d匪徒都唔想傷害佢，但係呢，亦因為佢的決定太冷靜，再加上本身的慢條斯理，反應落決定都會比其他人慢9倍，佢較為適合擔任外交工作，有起事麻煩記得拖埋佢走！
雙子座
雙子人天生好奇，又鍾意知埋d無聊小知識，佢識得的事物響呢d時間隨時可以發揮最大效益，再加上可能響平日已經刨熟晒無數的逃生手冊，跟住佢包你總有時候幫到手；但係你要留意喎！雙子人集中力弱，又有神經質，一旦被困的時間耐佢可能會發神經！
巨蟹座
有同情心又鍾意照顧人，大家齊落難時巨蟹人係最能夠發揮互相照應同關心的人，不過太份注重安全感同太過信任自己的直覺，好多時候佢都會有錯誤的決定！不過最要留意的其實係！！巨蟹人係隱藏住好強的自我保護功能，如果去到某一d決定生死的位時，佢絕~對~會犧牲你！
獅子座
每個獅子人都曾經幻想過呢一刻來臨！響呢個時候無論平日佢有幾憎你，又或者幾想整死你，但係一旦到呢個同仇敵愾的時刻，佢真係會發揮小宇宙力量希望可以拯救晒全部人，甚至係要犧牲自己亦在所不計，響呢d時間一於信晒佢啦！
處女座
一向牙斬斬的處女人，一旦發生呢d狀況時即時反應當然係騰晒雞唔知點算好兼亂晒陣腳，不過當日子一長，佢慢慢適應返個節奏呢，憑住佢超強的分析能力，要脫離危險可能就係靠晒佢！所以可以的話要好好安慰下佢等佢冷靜返！
天秤座
優柔寡斷，最怕後悔兼婆婆媽媽，絕對唔識得決定點樣做，再加上冇乜決策力，仲要唔識變通添！唯一可以發揮能力的地方係對外溝通同手腕，搵佢做發這人就得！要落決定同領導就唔好搵佢啦！
天蠍座
當機立斷，求生意志強，冷靜再加上醒目，天蠍座絕對係響呢個不幸時刻大家的救世主，不過唔好開心得太早，因為佢係有不擇手段的傾向，響危險時刻隨時出賣你！真係冇晒計！所以最緊要係跟佢走但係又要小心住佢！
人馬座
人馬友有個唔好的地方，就係佢腦海裡面會不斷盤算住點樣做點樣攪，但係都係得個諗字，諗好耐都仲係停留響同一個位，即係得過諗字，好彩傻人有傻福，總係有Ｄ運氣頂住，所以靠佢痴下d運氣仔都好！
山羊座
萬一呢d不幸的事發生響山羊人身上，佢第一個反應係會不斷負面咁怨天尤人；好彩係當時間一耐，佢發覺情況需要改變時，因為佢的耐力驚人，而且深謀遠慮，佢出的計劃同主意成功的機率非常之高！
水瓶座
水瓶座人做事好睇心情，如果果期對生命充滿希望同意義呢，佢點都會諗到辦法，但遇上心情差時冇乜生存價值時，佢就會採取放任態度；另外佢份人離經叛道，隨時過埋對方的陣形都唔奇…
雙魚座
要花長時間先可以攪清楚狀況，再加上迷迷糊糊，好容易作出錯誤的決定，而且性格怕事，手冇搏雞之力，不過呢，佢的求生意志又會比大家想像中強！，而且仲有d古古惑惑，去到冇辦法時聽佢講都可能有一線生機！
---------------------------------------------------------------------------------------------------------------------------------------
我係: 山羊座
萬一呢d不幸的事發生響山羊人身上，佢第一個反應係會不斷負面咁怨天尤人；好彩係當時間一耐，佢發覺情況需要改變時，因為佢的耐力驚人，而且深謀遠慮，佢出的計劃同主意成功的機率非常之高！
哈哈哈... |