倒數生日3日"
3月12日
9點鐘去到灣仔睇A MEET FINAL..勁小人囉
今年a meet無咩氣氛...D F.1 F.2都唔嗌既
睇到11點左右同CALVIN 何B 歐興俊搭船過左黃埔食飯
聽EDDIE講話咩朝早既EVENT已經領先30分...LUNCH後既EVENT已經唔重要
原來只係B GRADE嬴30分...總分只係嬴幾分-V-FAKE哂
係黃埔搭船過番灣仔個陣時...有幾個OLD BOY見到我地著住喇沙褸過黎同我地傾計
D OLD BOY話特登請假黎睇A MEET...D師兄真係唔同D- -''
番到灣仔睇1500M...屈哂-V-
A B C GRADE都拎哂第一...本身以為會嬴
可惜4 X 100 接力個陣時真係比森美講中左
真係跌左棒...可惜唔係DB跌...係喇沙跌
唔通真係上帝早已預備?! TKC同律子夾左今多年...估唔到失誤係發生係佢地到
見到佢地到喊哂咁...都唔知有咩講好
最尾輸3X分
講真係過埋今年唔知幾時再有機會嬴...喇沙已經愈黎愈唔注重體育
都唔知畢業之前(可能畢唔到啦=口=)見唔見到喇沙拎第一
森美講得好岩...灣仔對喇沙仔黎講好有意義
睇完A MEET之後同巨LIN搭船過番尖咀...去左M記坐左一陣
之後計劃行去旺角XD
由尖咀行去旺角應該係一條直路...但係我地真係犯賤
尖沙咀行去理大個面再行過過愛民村行去旺角
行左成個鐘...行到成隻積咁-V-
累累地去左好好食奶油豬...好味^^
之後搭MTR回家...番到屋企食完晚飯之後訓左一陣
訓到10點左右起身出九龍城唱K..好多謝各位兄弟肯黎
呢個算係補祝歐興俊同埋預祝我生日...好似5歲之後生日未搞過PARTY
玩到朝早5點散水...同LTS 雞精搭VAN出旺角轉車回家
番到屋企6點...沖完涼搞到7點30上床訓覺...真係好累好累...
係灣仔嗌已經得番半條人命...之後直踩通頂
不過好開心^^
番左兩個鐘左右10:30起身...去MDS跳舞
完全無心機無力無精神跳..郁左幾郁已經訓左係到
唔知係好耐無跳定係無力既關係
唔知點解D FOOTWORK勁唔順...卡下卡下咁
跳到2:30左右同TEAMATE過左APM食野...
食完之後過樂富搵巨LIN...之後去左九龍城督波
督左一陣上去買個冷面之後搭車上巨LIN屋企坐左一陣
THEN...回家~
|
