今日好忙...都好攰....

所以暫時留頁....

呢1~2日我會盡快諗好leader的生日blog...

就好似之前寫俾潤君果個咁....

leader....其實越鐘意arashi...

我就越鐘意叫leader....

明明我最開始係叫O醬多d ^^

好啦....聽日再補啦...

p.s. 11月尾又到啦....

我仲有3日假期....

所以我會係呢3日趕起"習慣"既ch4&5...

我唔會再打破承諾!!!

又係一本納蘭既書....

我睇第一本既係太虛幻境....

一個性德....清冷無情....偏偏又異常溫柔....

之後就睇左小樓傳說.....

一個輕塵....狂傲乖張....偏偏又異常重情.....

到宜家.....逍遙游.....

一個東方.....任性恣意....偏偏又異常瀟灑.....

納蘭既作品都係佳作....係一個質量都有既好作者...

佢既文都係有一個好大既世界.....

入面每個人都有各自既個性....

做出唔同既選擇.....令佢地既人生都唔一樣....

如果唔係太虛入面既容若太過份....

其實我真係幾鐘意太虛...

畢竟性德真係一個完美既人.....

去到小樓....提及既野太多太多....

就算係幾勁既作者....都好難駕馭....

納蘭嘗試過....最後都心軟....

將結局拖完又拖.....最後停係一個無辦法再寫落去既地方....

呢篇我真係好鐘意架....

但係.....我鐘意既只係輕塵....一個方輕塵.....

輕塵完左我心裡面最美好既夢....

去到逍遙....我都估唔到納蘭會創造一個新既東方....

一個同輕塵個性極為相近既東方....

可惜既係....納蘭既文....越寫越心軟....

東方呢個角色始終帶左d女性既溫柔....

雖然唔阻礙...但係已經唔係果個納蘭想寫既東方啦....

太虛既內容....一睇就知係憑一股熱情寫既....

內容過渡其實唔夠自然.....

去到小樓.....4個視角....唔易寫架.....

顧此失彼....係我覺得最適合既評價.....

但係呢篇文都有一點優勝....

係角色....每個角色都有特點....

納蘭係勝在要停就會停....

的確劇情上係有d拖...但係角色描寫上係絕對既點到即止....

偏偏今次既逍遙多左d自由.....

感覺好似係信手拈來......心去到邊就寫到邊....

隨意但輕鬆....太虛同小樓既嚴肅並無一成不變咁延續....

只係逍遙睇落去輕鬆....但係內容上就唔夠深刻....

而且......東方既感情線都真係幾過份....

理查同維克多.....明眼人一睇就簡維克多啦,,,

但係偏偏納蘭著重於理查.....

唉.....其實我第一眼睇中既係維克多....

理查想得太多....要既都太多....

有捨先有得....東方要既係並肩而行....

能同東方並肩既....全世界都只有一個維克多....

我宜家真係寧願無感情線lor....

俾東方同維克多打交打一世都好啦....

p.s. 其實都幾想睇下理查同維克多爭既樣,...

but我諗維克多都應該唔會行呢步掛....

東方既美貌完全影響唔到佢....(又係一個優點xdd)

而理查根本就唔會爭唔敢爭....

只係...納蘭咁偏愛理查.....我真係好唔likey....

東方要既係相伴.....理查太幼稚啦....

偏偏維克多又過份遲鈍....

點算好呢????

點解納蘭唔簡維克多呀??

仲有通識未做....宜家真係hea到爆- -

岩岩玩到12點幾先開始做功課...

宜家仲有通識....

唉....唔多想做...好麻煩= =

連續3日3點先訓....

唉....每日睡眠4小時....

我真係覺得自己撐唔住啦- -v

點算呢??

訓唔夠....心情又差....都唔知點咁- -

明明今日係想打文...

我差唔多個幾月無打過正文啦....

只係不斷咁寫片段.....

唉....點知hea下hea下就到宜家啦- -

我都唔知自己做過d乜....

升左F.4先黎發癲...我真係有病架....

星期5就phy test....

希望我聽日唔會痴線啦....

我唔只唔識...仲要係無乜聽書....

點溫呢- -

唔fail都算我好彩啦....

p.s. 畢竟我已經fail左chem同bio...

再fail埋phy既話...我都唔知自己讀緊乜野啦....

唔講啦...沖涼洗頭啦~~

跟住做到2點左右就訓啦...

做唔哂聽日再努力啦...

反正聽日仲有時間做xddd

好奈未睇過咁完美既小說啦....

but可惜仲未完結....

以前睇韶華既時候....仲覺得好奇怪....

唔鐘意兩個主角之間既定位....

嗯....點講好呢....

明明係強強既....最後就寫成一個寵愛另一個...

兩者之間根本就唔平等....

唔係其中一方係弱者....

所以令到有咁既感覺...

而係強勢既一方總係會退讓....

感情係要平衡架....

兩者為強既時候....就要識幾時要退....

但係偏偏我睇韶華既時候....退既只有一人....

我真係好唔鐘意溟....佢太自傲....

而且唔明白身邊既人對佢既好....

過份既自以為是...真係好噁心....

我只愛詡....佢係真正既強者....

霸道而溫柔....而溟?? 根本無用....

今次睇既文....作者既文風轉左....

係真正既平等關係....

而且兩人之間既感情....慢熱但係細膩.....

最重要既係....作者無左以前果種要將主角寫成完美既感覺....

我既眼中....缺憾先係最美....

兩個主角表面上係最高貴....

但係佢地既心唔係...佢地既性格唔係...

佢地只係最普通既人....佢地既心一樣係最單純....

只有一人既純粹.....

唯一....我鐘意呢個詞.....

好幸福既感覺.....

可能我份人都係慢熱啦....

一篇文如果鋪墊唔夠....感情會變到好突兀....

咁樣就無美感架啦....

好彩....今次作者進步左好多好多.....

兩個主角既缺點....我從第一眼就看出....

或者其他人會沉迷係佢地既美....

但係我永遠會首先睇到對方既惡....

九霄....我最鐘意既角色.....

佢無情....但有心....

所以當佢既心只有一個人...佢既情就會俾哂一個人....

呢種...係唯一....

千辰....一開始我好懷疑世上會唔會有咁溫和既人....

完美? 我唔相信完美二字....

後來睇落去....我只可以話....

不愧係赫無極既兒子....

一樣都係瘋架.....

蓮....一d都唔高潔....

出淤泥而不染?

身上流既血....早已佈滿骯髒之物....

就係因為佢地既缺憾....我先相信呢篇文....

人....都唔會無缺點....

有時見到d無缺點既野....

第一眼當然係喜歡...

但只有細細再想.....

你會發現.....你自己既醜陋....

因為....世上無完美.....

再完美...就只有虛假.....

我自己寫既小說....入面無一個人係完美....

因為佢地既性格都融入左我既虛假...

佢地看似完美....但因為我識得裝作....

只要將一個個缺憾既人穿上完美既外衣....

咁就係最好既角色....

最後....外衣脫下....故事結束.....

我渴望完美...但係唔相信完美....

好矛盾既一個人.....

我曾討厭自己既家.....

所以一直諗....將來...好快就會離開....

家....只係暫時性既停留之地.....

後來慢慢改變.....我相信自己有一個普通既家....

我以為係自己既多疑....所以錯失左幸福....

家.....應該係永恆架....

只係宜家....家....代表乜野....我真係唔知....

當爸爸唔再係我由細到大聽既咁好....

當媽媽唔再係我由細到大知既咁堅強....

當哥哥依舊係我由細到大見既咁唔鐘意呢個家.....

我真係唔知...我呢個家會變成點.....

媽媽一直都話爸爸係好好....

雖然有d任性有d幼稚...但係依然係好好.....

點解宜家又話呢d係大話....

媽媽一直都好堅強....一直我都唔知點接近...

因為媽媽係唔會露出脆弱既一面....

點解宜家又要俾我見到媽媽再承受唔到......

哥哥一直都係咁既樣....唔理會呢個家.....

佢諗既想既都係自己.....咁...家人呢?

點解佢仲可以乜都唔知....

又或者話....點解佢可以做到乜都唔知....

我係唔係好傻....一直係咁逃避....

因為唔想再煩...所以一直沉醉係小說入面...

令到自己既大腦唔會再思考....

就算係宜家....我就係知道無人會睇...

因為一直都係講小說....所以無人會繼續睇落去....

所以...我先敢講.....

我既家充滿缺憾.....曾經我係咁諗....

而宜家....我的確係咁諗....

我以為我比人幸運...因為我好平凡....

結果....我同其他人一樣....

每當捉到幸福既時候....都有人同我講....

係假架....

每次我全心相信一樣野既時候...都唔會有好結果....

細個果陣對住家人兩字....係怨.....

小學果陣對住朋友兩字....係恨.....

怨家人唔疼我唔寵我....恨朋友一直呃我背叛我....

到學識將感情放係偶像既時候....係逃避....

結果....逃避去到東方神起四字....都一樣係消失哂....

一切都係假架.....

宜家既arashi....又可以撐到幾時.....

我...唔信任人....真係我甚至唔信任自己....

我連對住自己....都唔誠實....

我既性格....早就融入虛假....

入面幾分真幾分假...我自己都唔知,,,,

或者....有一日訓醒...我會連前一日既自己都唔認識....

因為.....就算係我以為自己好真誠咁打blog....

將自己既感情記錄既時候.....

我發覺....連自己咁用心打出黎既野...

都係夾雜住虛假....

真實既自己.....已經唔知變成點啦....

有幸睇哂成篇blog既人....

千萬唔好變成我咁....

因為...一d都唔好受!

突然發覺....最近到mingming fd左好多...

咁都幾好既....起碼有野唔識都有人會教...

好啦...唔講咁多啦....

今日....11月3日....arashi既出道日....

嗯....講真我都唔知呢個重要d...

定係9月15日重要d - -

but 今日真係幾好....

雖然arashi無得去跨年...但係上到紅白主持...

真係夠哂啦....

感性黎講....跨年好玩好多....

但係理性方面....紅白既level高太多啦....

同時都真係幾怕.....

arashi宜家被人推到咁高....真係好危險....

但我相信佢地係無問題....

當初年紀少少就撐過左出道泡沫....

宜家既佢地....係咩都打唔低....

arashi....好感動呀~><~

p.s. 其實我都幾likey中居架....

但係呢....我真係幾想知....

咁樣既話....smap會唔會破例上跨年?

因為下年就係smap週年....(貌似係)

唉....唔理啦....今年等跨年啦!!!

呀!!!!!! 仲有一樣功課未做...唉~~~