我baba真係好犀利, 成50歲人, 為咗我哋, 仲去返佢地盤既工作. 都係因為我哋唔生性, 養唔起頭家. 所以佢先要做份咁危險, 咁辛苦既工作. 不過, 今年佢好好彩, 跟咗個老闆都對佢幾好, 依家佢係阿head, 睇住班工人同埋d工程, 人工仲hahaha... 每次我幫佢入票, 我都覺得佢好叻. 但係佢真係好辛苦, 成日都加班加到好夜, 返到屋企又冇胃口食飯, 又週身骨痛, 好慘...  

baba: 我會好畀心機去賺錢, 希望你可以唔洗再咁辛苦做工, 可以輕輕鬆鬆咁過退休生活啦~

 我趁屋企冇人, 偷偷地咁係度放聲大喊囉~ 喊咗好耐, 個頭好痛, 我真係好唔開心...

唔開心, 係咪自己攞嚟? 係咪我明知係唔開心, 但係因為我自己要繼續行條開心既路?! 定係我行呢條路既時候, 我自己選擇唔開心咁去行? 我真係唔知... 或者係我最近壓力大啦~ 連我最close既人都唔明白我. ok... 咁我諗佢唔算係我最close既人喇~

喊咗好耐好耐... 眼腫鼻腫, 好想快d天黑, 快d瞓覺, 快d返工, 快d放工, 快d出糧, 快d過年, 快d轉工, 快d開心...

無啦啦... 意外地咁我錯用咗千六蚊~ 唉! 咁樣用法, 等於捅咗我3刀... 好唔值得~

陳奕迅... 我愛死你囉~ 

好唔高興我既皮膚病問題, 仲未好返wo, 點算?

上個再上個week已經睇過e生, 但係都唔好, 不斷搽藥膏, 但係都仲係有粒粒. 結果, 我今朝九點幾就走咗去樓下搵阿葉siu hing睇, 我以前試過咁, 都係佢救返我, 今次唔知得唔得? 佢話我咩毛管塞咗, 同埋發炎, 雖然要用好細心先可以睇到我咩事, 但係我真係唔想見到自己d皮膚係咁差落去囉~ 陣間唔理佢, 唔知會惡化成點樣架嘛~

快d好返呀~ 好唔返, 咁就要做醜女, 以後冇晒自信心架喇~ 好運...

倫倫佢尋晚陪住我, 今朝一早又返咗屋企瞓喇~ 無所事事, 朝早睇完e生, 食咗d嘢, 玩搽指甲油玩咗成個鐘, 最後又擦走咗... 幾無聊. 3點鐘咁上下, 我就瞓著咗, 好好瞓吖~ 瞓到有電話都醒唔到嚟聽, 但係又不斷聽到樓下有死o靚妹仔喺度嘈既聲音. 結果, 瞓到5點半先起身, 又食藥... 又攤喺sofa... oh... 返咗大陸既baba, mama, 細細佬都返咗嚟, 一家人齊集.

今個sat, baba, mama, 仲有細細佬都唔喺屋企, 我細咗朋友goldie仔, 良仔, 我個倫倫仔, 同埋大細佬傑仔一齊喺屋企打邊爐...

首先, 我要講吓買咗d咩, 有離不開既肥牛, 芝士腸, 雞肉腸, 我鍾意食既滑牛, 有菠菜, 油麥菜, 金菇仔, 秀珍菇仔, 白蘿蔔, 雲吞&魚皮餃, 象拔蚌仔, 同埋大粒既蜆仔, 最精彩既係一堆丸... 數我都唔敢去數囉, 淨係知好多, 多到應該食到5 days. 計埋有成10種丸, 唔知會唔會有200粒咁多呢? 勁...

由於時間關係, 我哋只可以得一個鐘頭時間去打邊爐, 因為有下半場, 要趕住去睇兄弟... 唉, 好唔開心wo, 套戲有我鍾意既idols, 但係好慘wo, 都唔開心既, 又有槍戰, 一開場就有斬手指, 又有打人, 激死咗... 可唔可以唔好怕咁多d咁痛既戲呢? 我一路睇, 真係覺得幾痛吓架!!

睇到12點幾差唔多1點, 就返咗屋企... 咦... 點解阿良冇話要去食糖水既? 仲諗住佢咁食得, 都會提議下tim, 呵呵... 算... 呢d咪叫做so舟過後冇艇搭囉~

yeah... 成功咁留到倫倫仔陪我瞓~ 對唔住, 雖然我知你瞓得唔好, 但係...

"我真係好怕一個人瞓架~"

manman朋友仔~ 原來我係同你一樣, 隻股票一放咗就升... 唉...

所以話, 以後最少買兩手, 放一手, keep一手, 咁咪可以更上一層樓囉~

尋晚同eva朋友仔msn, 好開心囉~ 我哋係一傾如故, 完全係冇生疏果隻啦~ 我仲約佢出嚟食飯傾呀! 因為實在係太多嘢要update喇~

下午我同咗mama去行jusco, 好耐我都未試過淨係同mama行街囉~ 原本我係諗住陪佢出去買我表哥既結婚禮物, 點知最終都花咗好多時間喺呢個Jusco既十元店果度! 我好like去果度行, 因為平嘛~ 但係我係一個c拉仔啦~ 我勁買d屋企嘢, 濕紙巾, 香味劑... 保溫瓶我都買咗一個呀~ 咁當然唔係10蚊雞咁平啦~

nice day~

呢個禮拜, 我接咗一個舊朋友打嚟公司既電話, 不過唔好意思, 佢並唔係搵我.

有時, 如果我哋係街上面見到d好耐冇見既人, 我哋會同人哋講: 呢個係我以前既朋友, 乜朋友有分以前依家架咩? 咁我諗呢d都已經唔係叫做朋友喇~

呢個舊朋友, 係我聽完佢呢個電話之後, 我諗我哋真係永永遠遠, 正正式式咁證實咗我哋以後已經唔係好朋友, 而普通朋友都應該用唔上.

故事係咁既~ 呢個舊朋友, 我係五年前, 喺我第一份文職工作既公司識既, 當時, 我哋果team人只得我同埋佢咋~ 原來佢一見到我就已經認得我, 因為大家都係住青衣, 大家都去過同一間自修室溫書, 佢仲識得我既其中一個朋友! 不過當時既佢, 當我為仇人, 全因為請我既原因係因為之前果個partner粒聲唔出自己冇返工幾日, 而且亦都諗住以後都唔返. 天真的舊朋友就覺得我搶走佢朋友既位置, 所以好痛恨我.

可惜, 冇幾耐, 我哋成為咗一對好朋友, 連公司d阿姐都用姐妹嚟相稱我哋. 其實, 唔多唔少都因為我既關係, 舊朋友喺公司入面既朋友圈子亦擴大咗. 以前佢唔會同我右邊既同事講太多說話, 但係因為我短時間內, 亦都同右邊既同事friend起上嚟... 我哋一班年紀相約既青年人, 亦開始聚集起嚟.

我喺呢間公司入面短短既一年幾, 喺我走既時候, 我諗我有5個要好既朋友啦~ 不過相信依家一個都冇晒...

最好既呢個舊朋友, 都冇埋... 答案點解, 我好清楚! 曾幾何時, 呢5個人當中, 有人互數不是, 但係無啦啦又可以冇晒事, 我都唔知點解, 或者係佢哋既d叫做真正朋友啦~ 或者大家都唔太care大家, 所以大家之間既問題, 都唔會係一個問題, 唔會深究, 唔會放在眼內, 只係有得一齊玩, 嘻嘻哈哈就算...

原來... 呢位舊朋友, 係咁膚淺同無知... 好失望!!

原來... 先入為主既, 先會變成一個真相... 點解, 你聽到或知道一d事, 從來都唔去問一問當時人? 如果, 你問一問, 稍稍諗一諗我, 有去想關心一下, 了解一下, 唔好咁單方面去信任既, 咁... 可能我唔會對你咁失望.

真相大白, 相信唔會有可能, 因為我唔會用我呢個咁可貴既真相喺d唔值得既人身上... sorry~

今日真係爽, 雖然遲到, 但係返到嚟, 見到我後面果個冇返, 咁即係等於個cctv冇開咁, 正!!!

一早就畀人爆完, 因為有張PI開錯, fine! 因為張單係我跟, 所以話我, 但係... 有人對咗簽咗名, 都對唔到唔啱, 唔該, to be fair... 要話一齊話, 不過唔好意思, 呢度冇呢張樣...

我依家就一邊寫blog, 一邊報關... 係咪好n我會報錯關呢? 放心啦~ 只要冇人嘈住我, 我唔會錯o既~ 只不過如果我係畀人煩親, 咁就會亂咗做唔到嘢~ 係腦部閉塞果隻呢...