明明有9千蚊袋, 又唔袋, 仲諗住要袋人吔1皮嘢, 結果呢... 得返果幾百蚊囉~

依家想攞返4個位走, 慢慢等下啦~ 等下或者會有o既~ 不過就唔知會係幾時喇~

今晚同咗阿良, goldie & 倫頭, 仲有阿良隻狗狗阿bee一齊食飯~ 阿bee真係勁乖囉~

我真係覺得自己超勁! 原來我係第1次抱咁大隻狗仔~ 我仲可以抱住佢食飯囉~ 呵呵... 感覺真係有d似抱住個b咁, 又食唔到飯, 咁唔可以畀佢掂到枱面d嘢wo, 仲要餵佢飲水tim!

今日我阿ma同我講咗一句說話, 我真係一世都會記住!!

"我真係生錯咗你"

多謝晒~ 有你呢一句說話, 可以放鬆好多, 我諗我唔洗再為我屋企咁粗心... 多謝!!

有時, 我都真係覺得你幾可憐, 成日都話仔女唔陪你, 對你唔好, 唔同你講嘢. 但係你又有冇諗吓自己點樣同d仔女溝通呢? 不如試吓講嘢唔好大大聲, 溫柔少少, 有返少少似係mama既口吻, 帶點關心... 我諗會舒服好多.

仲有, 佢話我兩隻rabbits好乞佢憎, 話我養佢哋咁耐都唔肯放棄, 佢唔鍾意既嘢我都要照做. 唔好意思, 我真係唔會放棄佢哋, 因為佢哋係生命, 我要對佢哋負責任. 我細佬買佢哋返嚟, 冇點理佢哋照顧佢哋, 佢哋其實已經好慘. 成日都困喺個籠入面, 佢哋都好悶姐~ 鄭太話聽日佢放假, 得佢一個係屋企, 睇下佢點樣去對付佢哋. 鄭太曾經揚言佢工友d仔女一樣都養過兔仔, 佢工友唔鍾意, 就用滾水煮死咗d rabbits仔. 我亦都毫不客氣咁, warning鄭太, 如果佢咁殘忍對我阿強同魔頭, 以後都唔會見到我. 我冇咁殘忍既阿ma. 佢真係做得出的話, 我真係覺得佢好恐怖囉! 同殺人犯有咩分別??

嘩... 咩事呀? 真係睇住個價係咁跌囉~ 唉... 明明賺到成萬蚊, 睇住跌到得返2千蚊... 我果7千蚊呀~ 返來喲...

呢d真係叫做歌仔都有得唱... 爭多一點, 炒多一點, 追多一點, 渣多一點, 沽多一點, 搶多半個仙

機會再嚟果陣, 真係要好識得收手, 少少地賺到咪算, 唔好咁貪心喇~ 如果唔係渣都冇得剩真係喊死啦~

終於都忍唔住, 畀d牙痛征服咗... book咗放工去睇牙e, 我第1次去睇牙e呀!!!

原本約咗6點30, 真係多謝晒... 公司d同事, 佢哋任務式咁幫我吹下蠟燭, 扮同我賀壽, thanks... 個"cake" 係由人頭咁多個既fruit tart彷製... 就係因為呢個環節, 搞到我6點鐘走唔到, 搞到我7點半後先睇到牙.

我入到e生房, 真係緊張到死咗囉~ 話晒第1次睇, 又唔知自己咩事, 又唔知牙e叔叔會搞我d咩... 原來, 我有勁多問題wo...

1. 左邊最入既兩隻大牙都蛀咗 (醜死怪啊)

2. 牙肉發炎

3. 牙週病

4. 生智慧齒

好彩e生叔叔佢好細心, 又唔惡, 又唔迫我要做d咩treatment. 佢話要e好牙週病先, 所以要洗一次牙, 洗咗就唔會流牙血. 約咗嚟緊既sunday wo~ 好緊張wo, 因為人哋話洗牙都幾唔舒服架嘛~

係咁易都同自己講句happy b'day助下慶啦~ 不過, 我今年生日改咗喺22號 ... 因為今日除咗收到一個祝賀sms外, 都冇做過咩慶祝生日既活動.

今年既b'day, 我只係收到2個人既sms同我say happy b'day... 搭正12點既一個, 係一個借我錢唔錢既人, 我每年生日, 佢都會sms比我, 可惜, 佢既祝福太貴囉~ 第2個, 係今朝早10點, mr 橡膠區佢既sms... 好簡單的一句說話, 其實已經好開心~ 尋晚玩緊既時候, carmen朋友打過畀我, 不過真係唔好意思, 太嘈我聽唔到電話响, 因為太夜, 所以冇覆返... anyway, 我知佢係想同我講happy b'day... thank you!!

倫倫以前成日都聽我話同d咩人咩人去邊, 喺邊又見到d咩人咩人, 幾時又約咗咩人咩人出街. 佢話我識埋好多堆朋友. 以前我成日都話, 4海之內皆兄弟, 朋友多唔好咩? 佢總係答我: 朋友唔洗多, 傾得埋信得過既自己, 一兩個都夠. 其它的, 唔洗成日都出去, 唔洗理會咁多. 我終於都feel到.

2006年我的生日, 差唔多成20人同我慶祝. 連我老闆同老闆娘都有去... 同事朋友同學細佬... 咩人都有. 但係, 上年出現既, 今年一個都冇得留低, 今年出現既, 一個都冇喺上年出現過wo. 但係今年既, 有晒我既最好朋友, 好朋友, 男朋友, 男朋友既朋友(都係我既朋友). 呵呵... 多謝晒~ 我終於明白到倫倫佢講既道理. 知心講得埋既朋友, 我有! 鍚我既男朋友, 我有! 講雷既朋友, 我都有~

HaPpY BiRtHdaY

痴線架... 一朝早我就見到好嘔心o既o野囉~

返到公司放低咗個袋, 我又被安排咗出去ITS. 行到去近奇華附近, 我多多事幹咁週圍望, 望咗去對面馬路香工果邊, 我見到... 一個傻佬, 佢企咗响度疴尿囉!! 佢仲要冇遮掩咁, 咩都睇到, 好驚囉~ 勁嘔呀! 嚇到我即刻標走, 無奈爆! 之後回程去到公司樓下, 我又見到個的士佬佢喺架車入面吐痰出車外囉~ 果啖痰, 真係... 澎湃

好辛苦!

大前晚, 同埋尋晚, 都一樣瞓瞓吓就嚇醒咗囉~ 果種感覺, 好難受!!

到底發生咩事? 到底我係發夢定係真呢? 我唔想失驚無神, 瞓著冇幾耐, 就要驚醒囉~ 果種feel到自己move唔到, 張被好似就快被扯走, 同埋想醒又醒唔到, 叫又叫唔出既感覺, 真係好恐怖呀! 最近呢兩晚, 一晚就聽到有把女聲响我右邊耳仔講: 打畀你又唔聽, 你真係好麻煩... 醒咗, 諗一諗, 當日下午, 我的確係有一個miss call! 因為我果時同緊forwarder夾緊d schedule, 而且我又見到冇來電顯示, 所以望住電話打入, 都冇聽, 直到對方收線. 尋晚, 响我完全清醒之前, 有個冇著衫既男人, 面對住我, 哄到好近, 佢企圖想鍚我, 但係我縮, 不過出唔到力, 又醒唔到, 叫唔出, 掙扎咗好耐, 有打開過對眼, 開咗一秒就合返, 好辛苦先至大叫咗出嚟, 醒咗!!

有冇人可以話我知, 我應該點做? 一日咁既experience, 第2日我一定會好upset, 會成日都心情好差, 而且怕咗瞓覺囉~

我好討厭要一個人睡呀!!!! 

一個火氣好重既saturday... 原本saturday係好relax, 唔洗點做, 等1pm收工走人, 點知... 因為阿sir同glori佢返嚟車我o哋去睇會計同佢o既baby, 所以好早返咗嚟~

你哋去玩ok, 唔緊要... 如果我要喺度做嘢而阻住你哋o既, 一係你哋走先, 掉低條key, 我鎖咗門之後, 會放返條key去信箱. 為咗去玩, 催我做嘢, 30秒後問我搞掂未? 神仙呀? 係咪"叮"一聲, 咁就可以完成d工作呀? 諗就得... 明知到最後, 你哋搞掂晒, 就會喺度催我. 你哋搞掂係因為將d嘢 put咗喺我度, 我要做, 咁我仲點可以好似你哋咁話閃就閃? 仲要變臉? 有冇過份咗d, 係咪要檢討o下?!

走果個, 勁火囉~ 我同mary講, 我勁忟. 原來佢都留意到, 我喺個燈箱果邊行出嚟坐低, 就被人問我寄咗份件未? 不如問吓我個客人收到未吖? 或者, 我下次答話走咗貨啦~ 可能可以settle到佢哋囉~

從來都未試過一早返到嚟就寫blog, 梗係啦~ 未死過呀~ 明知畀人昅住實仲寫, 咩私穩都冇啦~ 我都係趁住大姐大佢哋出咗去嘆煙仔, 我先敢寫blog咋~

一返到嚟, 果種氣氛真係... 我又要為我喺呢個獄中既生涯倒數!

喺呢度, 除咗瑪莉, 我都冇興敢同任何一個人講嘢, 就算講, 我一路同佢哋講嘢, 我都會怪自己點解可以咁假? 用d好似同人哋好friend既口吻, 語氣, 態度去講嘢~ 冇計...