今朝返工喺西港lobby見到"jimmy", 一入到門口, 已經見到佢等lift, 咁啱啊? 我一邊行一邊望住部isolate咗o既lift去到邊, 咁啱佢就落到G/F, 於是我就同"jimmy"示意有lift. 入咗lift之後, 遁例都要嚟個中式greeting, 講句good morning. lift入面, 除咗我同"jimmy", 仲有一個男人, 佢响矮過我哋既樓層出咗lift... 呢個時候, 得返我同"jimmy", 我個人認為好尷尬囉~ 我又唔想同佢講嘢, 但係見個勢, 佢好似想同我講嘢, 因為佢份人實在太熱情喇~ 我唔記得公司邊個同我講過, 話"jimmy"同佢打招乎&自我介紹. 果然, 幾秒後, "jimmy"就開聲同我講嘢, 以下就係我同佢喺唔知幾多樓, 搭上去17/F期間既對話
"jimmy"說: 我叫simon呀! 你叫咩名呀?
oh... 我答唔答好呢? 答, 畀我男人知道, 一定唔like啦~ 又話我多咀, 同陌生人傾偈... 唔答, 又好似係懶cool咁, 話晒大家响對面個單位返工, 好易會撞到架嘛~ 我用咗3秒7去選擇咗答佢...
barbie說: 我叫barbie呀~
simon說(笑著的): 真係幾公仔wo...
呆超咗1秒囉~ 好公仔咩? 先唔係吖~ 我心裏面好想講畀佢知... 說時遲, 那時快, 我思想係控制唔到動作, 我已經講咗出口...
barbie說: 其實我一直都覺得你叫做"jimmy"
simon說: 點解係"jimmy"? 係咪baba閉翳果個jimmy仔?
我諗咗一諗, 邊個jimmy仔呀?
barbie說: jimmy仔? 哦... 果個好得意既小朋友~ 佢真係好得意架~ 如果真係有d咁既小朋友都幾好.
simon說: 咦... 你鍾意小朋友架?
barbie說: 係呀~ 好鍾意架~ 你有冇小朋友借畀我玩吖?
simon說: 我都想有呀~
barbie說: 咁呀? 你有小朋友果時就借畀我玩啦~
唉... 我真係唔明點解部lift好似好慢咁, 咁耐都未到17/F, 可以畀咁多時間我同佢講咁多句嘢~
最後, 到咗目的地, say goodbye後, 大家就各自返公司.
我可能識得最多既人就係simon囉~ 4個呀~ 仲唔夠呀? 幾時有第5個呀? 千祈唔好囉~ 我好似冇識過一個正常simon.
1st simon - 我的保險經紀
2nd simon - 以前forewide的同事, 奇人一個, 返工一段日子都冇帶杯, 淨係用汽水樽裝水, 佢既答案係zinc盤好dirty, 洗既時候d germs 會衝上嚟, 所以唔用杯. 咁... 我想問... 你屋企係咪唔用碗食飯?
3rd simon - 返觀塘時, 搭42c, 曾經坐喺我隔離的一個男子. 一天, 無啦啦寫咗張紙畀我睇, 問我可唔可以畀個tel no. 佢, 佢話想識我. 真係破天荒
4th simon - villa 對面間公司o既一個staff... |
