17 Jan, 星期四果晚放工去咗整頭, 原本我係想將d唔係好鬈既頭髮電返鬈少少, 點知出事啦~ Brian都話唔洗再電, 已經ok, 但係我d唔應該堅持既堅持, 叫咗自己去碼, 結果, 變咗一個蛇仔頭... 唔鍾意呀!! 我唔鍾意個蛇仔頭, 仲電到d頭髮旱過旱天雷. 唉... 我諗我以後唔應該咁任性, 要聽大人講嘢先得...

今日係星期六, 又係一個賣旗日, 因為我身上無5蚊雞, 所以我今日用咗2蚊去買旗, 唔知點解我覺得好羞家... 但係又唔想入幾個大硬去人哋個旗袋, 所以只係放咗2蚊入去...

無聲無色咁, 又到咗08年...

今年, 我放棄咗冇去迎接新的一年來臨, 自己惹咗喺屋企瞓覺... 好奇怪呵?! 冇錯!! 係我自己揀唔出去架... 本來我可以同goldie仔一齊出去打邊爐, 仲有一大班人, 不過最後, 因為種種原因, 我都冇去. 本來, 我可以同倫倫出去睇場戲, 點都好, 同佢一齊過08年, 不過, 係我自己係咁話唔出去... 結果, 佢去咗朋友屋企打機... 結果, 我就由果晚開始, 一路都唔開心到今日... 依然...

31號下午, 全公司收早, 除左mary冇去, 個個同事都過咗養和探glori同bb, 我仲抱過阿b tim, 我真係好鍾意小朋友, 咁細個, 出咗世兩日既bb, 我都係第1次抱咋~ um... 不過冇特別既感覺. 可能因為唔係自己架啦~

又有好耐好耐冇寫過我o既blog喇~ 又係果句啦~ 好多嘢都想寫, 但係又懶, 呢排又唔得閒寫啦...

以下, 係我記憶入面, 仲記得既稍為近期發生過既事...

1. 最深刻的, 永不磨滅... 我買咗一樣諗住會令到人哋好開心既gift, 點知令到自己好唔開心... mission fail... 原來用心去做一樣嘢, 但係人哋看唔見, 唔appreciate, 係可以好hurt.

2. 最近呢個week, 個股市簡直令我冇眼睇, 唔知好彩定唔好彩, 我呢排真係好忙, 唔可以週時都"昅"下, 揼心o既次數都因而減少...

3. 公事上, 我跟緊o既單, 差唔多單單都"乃鑊", 唉... 如果從迷信既角度去諗, 我呢排冇運行啦... 咁如果從一個正常角度去睇呢? 係咪我做得唔好呀?

4. 以前我成日都畀個阿伯佢嚇親, 因為無論日夜, 我返屋企, 定係出街, 我都經常失驚無神見到佢, 無聲無氣咁喺樓梯口走出嚟! 佢一行過, 會望一望我, 我諗過佢係咪鬼, 又諗過佢係咪傻. 有一次我同細佬喺走廊幫阿強仔間屋打掃果陣, 佢又經過... 原來, 佢係洗樓執舊報紙賣, 我見佢喺人哋扔出門口既垃圾堆入面, 想拎人哋用嚟墊住袋垃圾既一份好薄既舊報紙. 果一刻, 我終於明白, 我有少少覺得佢可憐, 一, 因為佢係老人家, 二, 因為佢拾荒... 於是我stop咗佢, 入咗屋, 搵咗一堆舊報紙畀咗佢. 佢收到堆報紙, 好開心, 同我講咗幾句多謝... 阿伯佢唔係傻架, 只係一堆舊報紙, 佢好衷心咁講咗幾句多謝... 自此, 我定期都會留起d報紙畀佢, 等佢唔洗連人哋墊住垃圾袋既都唔放過.

5. 公司對面單位既simon終於都搬走咗, 我唔係話好開心佢走咗, 亦更加唔會好唔捨得~ 原因係... 佢對我太好喇~ 真係多謝晒, 但係, 我覺得, 同我冇咩特別關係既人, 真係唔雖要對我太好, 有冇誤會都好啦~ 始終我唔係太受呢一套.

我過咗好開心既一晚...

因為babamama佢哋去咗旅行, 倫倫嚟咗陪我... 放工我先返咗屋企, 倫倫放工後, 我哋一齊去咗長衣城買d嘢, 跟住一齊返屋企食飯. 我哋今晚食炒飯, 本來我係想煮餸架~ 不過佢話想食炒飯. 原本我係想整炒蟹, 不過因為太夜啦~ 返到街市, 其實都已經收晒檔lu... 不過佢食炒飯都食得好開心

煮飯果陣, 倫倫入咗嚟, 佢見我喺度整緊d材料, 佢係度搞搞震, 又話要試吓整, 最後我就安排咗佢幫我開罐頭. 佢又爭住試吓炒飯, haha... 不過當然梗係雞手鴨腳咁啦~ 呵呵... 佢終於都知煮飯唔係一件容易既事. 一齊煮飯仔, 其實真係幾開心吖~食飽飯, 佢當然係好懶洋洋咁喺攤喺sofa睇tv, 我就去咗洗碗, 執嘢... 不過佢好乖咁幫我倒垃圾...

搞掂晒d嘢, 我都同佢一齊喺sofa睇tv, 好開心吖~ 十一點幾十二點, 我哋就瞓lu... 雖然呢d只係好日常生活每個人會做既嘢, 不過可以同自己鍾意既人一齊做, 真係好開心...

其實要為一篇blog去諗一個subject, 都幾難.

又好耐都冇寫過blog, 如果keep住追我個blog既人, 咁佢哋都應該會幾失望, 不過我諗我應該冇咁忠心既fans... haha...

最近工作上好似幾順利咁, 我指既係人事上囉~ 但係我始終都係好唔鍾意喺一個有人"咬耳仔"既環境工作, 尤其係我忙緊既時候. 呢排冇畀boss炸, 而且boss太太都好似對我不錯(意思係冇畀說話同面色我睇啫)... 或者一切都係回光反照.

跟據可靠既消息, 我對面公司會喺下個月頭搬走... 呵呵... 對我嚟講應該係一件好事. 因為我可以遠離我生命入面既第4個simon. 我尋晚仲發咗個夢, 好恐怖的! 係佢kiss my lip, 然後仲好得逞咁樣, 同我講我依家係佢既人. 嘩... 救命~ 有咁既事發生, 我會覺得自己係畀人姦污咗. that's all

好想去唱k呀~ 不過我感覺到自己病緊出嚟, 個鼻"萌"咗囉~ haha... 好明顯係响公司入面畀同事傳染到既~ 最近公司個個都痛咁滯... boss太太佢大住個肚, 公司咁多germs, 佢都仲返工, 佢都幾勤力, 勤力工作, 但係唔太顧住自己, 唔太顧住個b囉~ 畢竟佢都係一個高齡產婦, 大拿拿大我成個對~ 如果我第時好似佢咁既年紀先有咗, 我諗我唔會冒咁既險囉~ 對大既細既都唔好吖~ 不過佢就應該唔緊要, 佢有錢, 用好d既醫療, 佢哋afford得起吖~

原來我男朋友係咁著重一個人既外表及打扮... 有些心碎

今朝起身有好不詳既預感, 覺得今日一定會畀boss鬧... 點知, 返到公司, 就分別畀兩間supplier 爆起咗... oh!!! 諗住實死硬啦~ 點知, 估唔到幫我解開咗我呢團黑煙既, 竟然係一個一向都對我冇咩好感既人 - 我boss的太太 - 老闆娘. 真係好出乎意料之外.

下午, 仲覺得自己好運tim, 好似事事順利咁, 簡直可以用重生嚟形容. thanks god~

夜晚, 倫倫成九點幾先收工, 攰死咗囉~ 不過佢都仲主動過咗青衣搵我, 我陪咗佢去食m記. 食完, 喺樓下公園仔heehee haha咗陣, 佢都搭taxi返屋企lu... (明明我有7折的士電話, 佢都唔肯call, o 咀)

黃高狄既姐姐黃小wing佢入咗e院呀~ 黃高狄好擔心... 不過高狄仔, 唔好太擔心啦~ 小wing應該冇事, 吉人自有天相...

lunch既時候, 同事們喺酒樓, 幫boss個女改名, 我諗咗3個好無厘頭既名囉~ 林杮, 林盤, 林時... 冇一個似係女仔名. 而同時間, 我都幫自己既仔女諗好咗名, 中文名希晨... 英文名都係heison, 好男仔名呀~ 不過女仔都應該用到掛... 特別d嘛~ 台灣有個女歌星仔都叫做林依晨啦~ 又係有個晨字... 晨係代表開始咁解, 希晨, 即係一開始已經好有希望啦~ 幾好~ hoho... 仲要英文名都襯埋, 勁!! 不過希晨bb唔知幾時先出到世呢??

哎呀... 本來聽日約好咗同學仔去bbq, oh... mama尋晚已經講好咗, 姨ma同姨丈佢哋sat會嚟, 叫我放工就好返屋企招呼下佢哋... 咁都啱既, 我都真係好似好耐冇見佢哋. 唯有, 又要同同學仔們綠慳一面啦~ 子為同學仔一定會好唔高興呢... 上次佢聽到matrix同學仔話可能唔去得, 佢都好似有少少被爆起囉~ 啊... 唔好怪我啦~ 我都唔想架... 呢d就叫到世事難料喇~ 如果, 咁lucky, 佢哋聽日話唔嚟喇~ 咁咪可以照常活動囉... 呵呵...

好開心... 我每日都會諗起既老友記有goldie同mavis...

haha... 原來我係得兩個朋友咋~ 不過倫倫成日都講, 知己唔洗多, 好傾既一兩個都夠. 我終於都接受咗呢句說話. 因為我被誤信既"朋友"出賣嘛~ 呵呵...

星期四果晚, 去完silvia & 鏡成佢哋既"婚前研討會"後, 我真係覺得結婚係好麻煩. 之前我就諗一定要叫多d兄弟姐妹熱鬧d, 不過果晚之後, 我就再唔係咁諗, 我覺得有幾少得幾少就最好... 所以可能我到時真係得"G.M."陪伴我左右.

諗諗下, 我又諗起我身邊的人. 呢排... 我同瑪莉人佢一齊默默耕云, 呵呵... 我哋做應該做既嘢, 多做事, 少出聲... 因為要整d catalog, 所以我哋又暱咗入去conf. room, 以我咁多口, 乜鬼嘢都講一餐啦~ 又以佢又白痴, 我哋又乜都笑一餐. 幾過好多次, 我覺得做同事既人, 都唔會可以做到朋友, 不過我覺得如果第時我冇喺度做, 我諗我哋都可以做到朋友, 因為有時我哋傾既都唔係公司既嘢, 咩都講吓, 自己嘢都講.

我成日都諗住點樣可以瞓話二五, 但係有時又覺得講嚟都嘥氣, 我都唔再care佢, 咁不如留返口氣, 但有時又覺得, 話吓佢都好... 唉... 到時先算啦~ 講咗之後, 都係果句: 我哋以後連普通朋友都做唔到...

一個叫做梳乎既saturday... 返緊工既我, 竟然可以寫blog, 勁! 冇嘢架... 我冇嘢做吖嘛~ 應該係話, 要做既都做完喇~ 所以咪relax一下囉...

今朝起身, 眼瞓死咗, 簡直係唔想起身返工, 想瞓多幾個鐘果隻... 不過冇法~ 人總係要面對現實.

mama出門口前, 又喺度講錢, 佢話baba出咗糧都唔畀三幾千蚊佢, 如果baba 係畀d錢佢, 咁佢咪唔成日ot囉~ 又話叫baba畀二三千佢買條鹿尾巴, mama話冬天燉畀baba食, 食咗身體strong d... 唉... 又話靠我每個月畀得二千蚊佢, 佢要"貼"晒佢份人工出嚟... 我覺得一個家庭成員, 絕對唔可以用個"貼"字喺佢家庭開支上面. 屋企人人都有份, 冇份既人, 唔關事既人, 先可以用個"貼"字... 成日都聽佢講呢d說話, 畀我聽到, 我又煩一大餐... 好大壓力囉~

好想令自己開心d, 但係又成日都有嘢打沉我...

望見我兩張總值$960, 但價值$1,600既eason飛, 我真係覺得呢兩張飛足似令到我過唔到今個月... 呢d就叫做飛來橫禍, 突然破財...