今日係一年一度嘅萬聖節，希望大家都會有一個既開心又恐怖嘅節日啦
雖然今日係萬聖節，但參加咗元朗學生大使嘅人就要去翁祐中學到聽講座。
雖然好快就聽完，但係聽完都唔係好知佢講過啲咩，唉!! 真係失敗呀 (我係講我)
去到嗰到個hall 我覺得有啲細，唔只係我覺得，連我個fd 都係咁覺得呀。不過我諗果到應該係有兩個hall 嘅，希望我冇估錯啦!! (如果唔係，請有心人提一提我)
我地每3間學校就為之一組，聽完個講座之後，個3 間學校嘅學生同導師就一齊去一間課室，相討之後3 次嘅會議地點同時間，你知啦!! 3 間學校一齊搞活動已經好難，e 家仲要係3 間學校嘅學生一齊諗3 日，係大家都得閒嘅。我同fisherman 都有唔少野做，而我地學校唔只得我一個，仲有Rayna, Jason, BoBo同JoJo, 一共6個人。 JoJo可以講得上係最得閒個個，不過都有野做的。
我自問我自己都有唔少野做，但為求唔好俾人覺得我好串，我只係講我喺學校唔係有好多野做，只係做吓領袖生個啲啦。希望我咁做係冇錯啦!!
走個陣，唔知BoBo 定係fisherman提出不如去北江食糖水，但我同佢地講我一陣要去香港個邊，唔可以去食。但事實上，我係可以去的，因為我記錯咗去香港個邊嘅日期，搞到我喺自己一個搭車個陣，遇到個啊伯 (啊伯米就係啊伯囉，有咩咁特別呀!!) ，嗰個啊伯係同我一齊上車，即係天恒站，我好似係第2 或3 個上車，所以唔知個啊伯係邊。
當我諗住同喺對面線嘅個班FD say bye個陣，係個時，我唔知佢係有心定係無意咁掂到我隻手，我初頭覺得佢係冇心的。但之後我見到佢用佢隻漂亮的、潔淨的、雪白的玉手去掂坐喺我前面嘅嗰個細佬。個細佬同我有一樣野係一樣的，都係男性，我諗嗰個男仔應該係小6。佢同我嘅反應都係一樣，覺得佢係冇心的。但坐喺後面嘅我，睇得一清二楚，一次就話咁啱啫，但兩次喇喎，已經令人有其他嘅諗法喇!!
當我見到呢個情景，我o 晒，想即刻走人，但仲係喺天悅站，仲有幾個站完落車喎，不如當佢真係唔小心啦!! 我好想呢件事已經完咗，但原來仲未的。
當架輕鐵去到天榮站個陣，我諗，仲有兩個站就落得車喇，唔洗對住佢喇。就喺我諗呢樣野個陣，佢突然喺個褲袋到搵一樣野出黎，我覺得佢係拎部電話，但原來唔係，係一張報紙，仲要係經過咗修剪嘅馬經，我睇唔到日期，所以唔知佢拎住嘅係今日定係幾日前嘅報紙，佢拎住張報紙，喺我面前「噓」咗一聲，再將張紙喺我面前「樣」一「樣」。
我o 晒，望住佢，佢好似唔知點解我會望住佢咁，一路唱粵曲，一路睇張紙，又唔知佢自己唱得「好」聽喎。喺路程上，我一路聽佢唱歌，一路覺得頭痛。我終於頂佢唔住喇 (我由上車到果一刻，都係冇野做的)，我拎咗喺講座派俾我地嘅一份野黎睇，underline 啲筆記，盡量將佢所做嘅野忘記，實行三不，即係「不聽」，「不講」同「不知」。因為仲有2 個站就到喇，希望唔會有野再發生啦。
我喺天慈站落車，而個啊佰冇落到車，所以之後嘅事就唔知喇!!
喺呢5 分鐘之內，我諗到好多野，例如世事點解會轉變成咁呢? 唔通個啊伯係有問題的? 唔通個啊佰係好想有男孫? 唔通佢有paedophilia? 唔通佢…… 太多個唔通喇，但呢啲野喺當時係諗唔到野的，就連發生緊咩事都唔知。如果我身邊發生咗一啲事，而個啲事係唔喺想像中會發生的，我諗我會不知所措，要旁邊嘅人話俾我聽發生咩事我先知。
但係咁嘅話，發生咗嘅個件事可能牽涉到生命、金錢等，隨時死咗都唔知發生咩事，就連係邊個整死你都唔知，咁樣就真係…… 唉!!!
希望唔會再有呢啲事情發生啦!!! |
