有幾日冇寫日記喇，都唔知可唔可以講得上係日記，我諗可以改做週記喇，哈哈!!!

 

唉!!! 啲敏感仲未好返呀，我諗真係有一個月喇，去camp 之前話返學前咩病都會好返啦，但依家仲好似多咗啲，唉!!!

 

可能過咗幾日嘅關係，記性又差咗喇，日日都已經7 點幾先寫日記，但一日所發生嘅野都好似唔記得哂咁，可能我真係有少年痴呆症呀，哈哈!!!

 

隻手甩皮真係好恐怖呀，一舊舊咁，啲色又唔同bo，雖然唔係第一次甩皮，但上一次曬完太陽之後甩皮都已經係喺小學個陣喇，都唔記得喇，唉!!!我諗我真係可能有少年痴呆症呀。唉!!!

聽日就係就職禮喇，之前覺得有排啦、有排啦，但聽日就係喇，時間真係過得好快呀

 

又有一樣野黎緊喇，就係開學呀，暑假就咁就過咗喇，眨下眼就過咗，諗返起呢個暑假都唔係做咗好多有意義嘅事bo

 

只係得一樣野係有意義，就係參加咗個抗毒camp，講起嗰個camp，我有上到電視架，亞視喺21 同22 號都有播關於呢個camp 嘅野，雖然唔係好清楚咁見到我，但有個影似我都已經好好喇！！！

唔係每個人都有機會可以去bo

雖然真係好唔想

但最後都出咗去

 

去到天朗中心先知道原來我差唔多係最後嗰幾個

我都早去到啦

原來仲有人早過我

 

 

去到白普理賽馬會青年旅舍

 

但我到最後都冇同佢講

 

 

 

一個人黑仔真係黑好耐架

冇帶防曬

冇帶帽去活動

冇帶毛巾去抺汗

仲要依樣唔食得

果樣唔食得

唉!..唉!...唉!

 

 

 

 

夜晚1 點幾先訓得到

成晚俾樓上部冷氣機搞到訓唔到呀

因為上面部冷氣機滴水

滴到好大好大聲呀

但同心跳聲一樣架

佢滴一次

個心就跟住佢跳一下

真係俾佢氣死呀

聽日就入camp 喇，啲野總算汁好咗，但有啲野就仲味ready ，好似之前技安(一名導師嘅名稱) 叫我地上網搵一啲資料關於「處理校內吸毒學生流程」同「健康無毒校園計劃」嘅野。

 

但我上網都好似搵唔到，只係搵到啲關於學校搵到有吸毒學生嘅安排，但有啲唔係好同「處理校內吸毒學生流程」呢個topic，唉!!!  希望到個陣時會識講啦

今日細佬妹同呀嫲去美食節，雖然今次唔係得返我一個，但好似我次次都唔去。

搞到俾呀嫲話我唔落街，但我好似每次落親樓都有啲唔好野發生

 

今日朝早又去睇醫生，皮膚敏感好似嚴重咗呀，所以又要去睇子健，佢米又係講個啲野，但我覺得佢今次講得好啱呀，因為我之前可能因為食咗啲唔應該食嘅野，所以先會今病情嚴重咗

 

過多兩日就入camp 喇，一定唔會有人幫我搽藥膏，希望唔會因為個幾日冇搽而又嚴重，如果真係咁，我真係多得佢唔少呀