一個星期就咁就過咗喇，話快又覺得慢，話慢又覺得好快，真係唔知個腦係點諗野呀。

 

黃sir 搵咗我同fisherman 做PowerPoint，因為交安要喺今年揾多啲人呀，所以就要出力做好推廣。  唉!!! 如果唔係因為個OLP ( Other Learning Experience) 我都唔會再參加交安呀!!! 雖然個心話唔想，但其實參加咗之後個feeling 都好好嘅。

好啦，今年嘅交安活動我要積極啲參與呀!!!!

 

 

噚日個警衛話會俾野我食，但我今日返學個陣，見唔到個個女警衛，變咗個男警衛，佢又唔識得我，冇得同佢傾計tim。其實我諗做學校警衛有陣時會好悶，因為唔係有好多學生會記得你，同佢地講野嘅人真係少之有少，真係可遇不可求呀。希望佢地會遇到啲會同佢地講野嘅人啦!!!

今日真係好黑呀，諗住返學校拎一個關於八達通嘅表格，點知唔可以著便服返去，個警衛叫我返屋企換衫，呢次係我第二次返到學校而又要我返屋企。

 

之後我返屋企換衫，再去多一次學校，好成功咁拎咗張表格，當我返到屋企之後先知，我冇睇清楚，原來學校冇給印，又要我返多一次學校，係我第四次返學校喇，個警衛喺我第四次返去已經記得我係邊個喇，我仲同佢傾咗一陣tim，一齊傾我有嘅皮膚敏感，佢仲叫我唔好食蝦，因為話好毒喎，但我好鍾意食蝦，但我又想快啲好返喎。好! 我就為我嘅健康著想，唔食蝦住啦!!!

唉!!!

 

部腦中咗毒呀，雖然影響到嘅野唔多，但都令我唔可以喺MSN 同唔到人傾計呀，真係唔係好好呀。

我諗成件事係咁嘅：我細佬個FD 部電腦中咗毒，而咁啱我細佬又ON 咗MSN，搞到SD 埋俾我細佬，之後可能係因為我或者細佬click 咗有問題嘅網頁，之後就連我部腦都有埋毒。

 

我之前已經有個yahoo 戶口唔知因為啲咩而yahoo 唔再俾我用，就連我想登入都唔俾我登入，想睇下個password 有冇錯，都唔得。真係唔通我唔可以有戶口?，唔俾我有戶口? 唔可以同人傾計? 唔可以………真係有好多個問號呀。

 

雖然我有幾個戶口，但成日都唔用得，咁我整咁多都冇用啦，如果我有勇氣，我好想問下有邊個好似我咁嘅情況，大家真係可以一齊傾下計，講下點解會咁。可能我地都做咗一啲野令擁有權力嘅人cut 左我地嘅戶口，哈哈哈。

聽日就要返學喇，呢個暑假真係過得好快呀，都仲未返學就好想快啲下個暑假黎呀，哈哈!!!

 

 

今日朝早又整豆漿呀，雖然有啲辛苦，但最重要嘅都係個成果。呀媽話係因為今日係暑假前嘅最後一日，咁啱我地又得閒，米整下lo，都唔知幾時可以再整豆漿喇，希望唔會好耐啦。

噚日諗住寫日記但因為唔知寫咩好，所以冇寫到，唉!!! 一日過咁好多野，但我就一啲都寫唔到，可能我真係有啲少年痴呆症呀。

 

其實我諗番選科之前同之後都做咗幾個test，內容都係話你識合讀d 咩科，而我做個幾個test 中有3至4個都係話我喺商科嘅成績或表現會比較好啲，而之後嘅就係文科，最後先係理科，但我依家就係讀理科，仲要喺一個test 中，理科成績係唔合格。

 

諗返起好似有好多好多老師都逼你一定要讀理科，仲要係讀phy. + chem.，佢地話出路多喎，搞到我都好似俾佢地逼咗去讀phy + chem. 雖然我嘅成績揀咩科都可以會有大啲嘅機會入到，但唔代表我會揀啲我唔想讀嘅野。

 

 

 

其實本人最想讀嘅兩個x 係生物同chem.，但依家揀咗phy. + chem. 真係唔知好定唔好喇

 

希望呢個係一個正確嘅選擇啦