仲有3日就要入CMAP 喇
要準備嘅野都味準備，好似要買新牙膏、牙刷，好彩入camp 嗰個袋唔洗用自己嗰個啫，因為天朗中心俾埋個袋我地，唔哂煩呀
但用人地啲野，點都會有啲唔好野發生，我嗰個袋裡面竟然有上一手個啲衫，真係多得佢唔少呀，自己又唔check 清楚喎，真係好想同天朗啲人講呀，但最後都冇。
希望自己唔會好似上一手咁漏低啲野啦。 
下就兩點半睇《More More Do Ri Me》  ，裡面嗰個主持講咗一句說話，我覺得佢講得好啱，佢講咗 ”喺一個樂團裡面，最重要嘅係指揮家”，我覺得非常之啱呀。
因為我小學個陣係參加咗一個管弦樂團，而我係負責打鋼片琴，由於我喺嗰個樂團裏面表演比較好，所以導師俾咗另一份譜我，嗰份譜同我之前個份有好大分別，要打嘅野多咗好多，我又搵唔到應該點打先啱，所以我就俾其他人打得快咗好多，個導師喺練完之後同我講，不如你睇住我指揮，咁你就可以大約知道點打先啱喇 (嗰個導師講嘅話係普通話)
我之前覺得指揮家好似只係喺到指黎指去，冇咩用。但經過個次，令我有對”指揮家”呢三個字嘅感覺有好大嘅轉變。
真係好想同嗰個導師講一聲“謝謝”呀，但係個樂團係我六年班已經冇咗喇，走之前又冇問佢拎電話號碼，有陣時有啲野有個陣真係唔覺得係咩，但失去咗之後就算你幾想去搵，都係冇用。
唉!!!
|
