家有喜事，下個月開始做麻麻了，我抱孫喇，好開心，又好多野做，今日買老薑，八珍醋、煲薑醋，真係好多野做，過多兩個月抱第二住孫囝，前後相隔倆個月，抱倆位孫囝，真係巴巴閉，好多野做，但真是開心事，ＢＢ會帶給我地希望，熱鬧...........代代相傳.............

今日六月初一，細嫂入醫院代產，做爸爸既細子好緊張，連我呢個嘛嘛都緊張.........明既.............期待BB順順利利到我家

哈、哈、哈緊張左一晚；bb報假案∼未想出世；細嫂今晚出院了09/07/13

22/07/13 細嫂幫我地黃家添左第一位男孫囝，我呢位嘛嘛成晚都冇訓過；開心都訓唔到，一震去探下佢倆母子

呢個瓦煲係我囝囝個呀嘛嘛買既(三代）喇

  買左老薑20斤  今日刮左薑皮都用左4個半小時

  買的子薑醃、酸薑（好貴）  酸子薑醃好啦

  買左八珍醋    27/06/2013今日開始煲浸薑醋啦，好好味呀！

太陽能，老細又一傑作，早前整左兩塊太陽，可以用作屋企部份電能（所有屋企電燈，所有風扇）

太陽能電風扇，的風都好勁！

有日落好大雨的晚上12時，忽然之間停電，好在儲左太陽能電，睇下都幾光，可以涼下風扇，唔使咁熱...........

今日倆個仔，返黎食飯，當你煮到身水身汗既時候，有杯冰凍既冰冰係一樂也昨日在西貢＄15-買左兩個鳳梨，整左4杯沙冰，係唔係又經濟又健康呢！

 鳳梨沙冰配（新鮮椰子絲）加提子麵包

什麼菇？如此大！一隻菇等如倆對7號咁大；睇下...................勁！

又係五月節，裹粽月啦，由昨晚浸米、醃五花腩肉、到今日裹粽，忙左一日有多，（應該話企足一日）仲有的粽仲未烚，裹先已黃昏，用石油氣爐烚左的黎食，其餘留返天日起個柴爐黎烚，用石油氣實在太貴左啦..............烚粽要3個鐘呀！

昨晚浸定糯米、綠豆邊、洗定個大煲（好多野做）

 冇呢倆東西（咸水草、香樵葉）什麼都做唔成

   裹棕由此開始啦（咸肉粽）

 呢個係我家鄉既（椰絲水果粽）係我的至愛 

烚好啦開餐正

5/06-2013 今日用柴爐烚粽，真係人生體驗（要有耐性）你地睇下；果個係我老細，一坐就個下午，仲要落緊小雨；的柴又濕，俾我已經走頭啦，石油氣爐烚把了

昨日用石油氣爐烚粽：個煲白雪雪，右邊呢個睇下；同一煲但已變得黑默默，烚先粽有排洗啦

証明一樣野，要食得健康，真係唔係咁易架...............