好耐都無打日記了,
唔係懶,係因為假期我都係屋企,
無野好打,大家會唔會覺得我好怪呢!?
平時返學就多打野打,
一放假連影都無,
其實我真係唔想的,
係屋企就係做功課,
睇電腦,我唔出街玩的,
因為老媽唔俾人去得太夜,
去黎都無癮,所以就唔去!
我的生活很無聊但我過得好開心!

今日1點幾返到學校,
見到得曹寶一個係餐廳,
好乖咁重溫返之後bio的課程,
咁我就上樓拎書同中文工作紙,
(莊SIR我好想同你講,
我真係唔識做你個份作文呀!
述析評,我諗到嘔白泡啦!!)
拎bio書,之後見到李美婷,
落樓見到葉世昌,曾浩,曹寶上緊黎,
咁就唔落樓,
但之後就見到蔡SIR,
嘩...粉紅色恤衫,
蔡SIR,我淨係想講一句話,
「唔襯你呀!!!- -""」
好驚......

2點,補課
(其實都無乜野講)
頂多咪係蔡SIR有次俾
陳家濤講到佢差D講錯野,
蔡SIR你歪左啦!!
咁又唔怪得棻SIR的,
畢竟蔡SIR係男人,
有時諗錯少少都唔奇的,
其實你地知唔知我講緊咩呢?
唔知無所謂,
我知得啦!!!
提示:男性生理的

但係令我覺得離譜的係,
佢俾左超多功課我地做,
我今日講得最多的單字可能係個"嘟"字
(註解:造是我不想講粗口
但害怕講出口而變化而成的字!)
佢仲要我地星期六交囉,
我簡直係無好面口對佢,
神呀!!我除左財富,家人,健康,
時間,善良人性之外乜都唔要,
我想要320的高智慧同強勁記憶力呀!!
咁樣就唔使內疚自己點解
咁耐都做唔完功課啦!
落堂走人,但唔想返屋企對住d功課,
留但睇珊姐佢地打波,
打打下,小肥拎住個波,
講左句:「出得黎行,」
之後就指住我,
我望左佢好耐先答返佢:
「預左要還!」
好無奈呀!!!!!