CHEM堂,又見陳SIR,
我好用心咁抄英文堂要TEST的
NEWPAPERS 解釋,
抄到一大份都係解釋,
我都係用左一個CHEM堂喳,
但我都有聽書喔!!
少少咁多啦!!
PHY堂派小測,
47分拎35分,
都算對得自己住,
不過畫圖到畫四幅錯兩幅,
數都有D計錯,
其實尋日都幾驚自己做錯晒><""

BIO堂,玩麥皮蟲,
諗返起中二個時有玩過,
不過今次我用手拎黎玩,
搞到霆峰哥O咀,
嚇到珊姐差D嘔,
但我都係個句,
麥皮蟲好好玩呀!!

數學堂,繼續睇圖表達,
同時盧SIR問問我地CHEM的情況,
之後盧SIR又話最近好中意睇同學的xanga,
而且又話篇日記雖然好長,
令我有點懷疑佢睇的是否我尋日的日記,
如果是真係話,
我有點驚,我係咪應該毫無顧忌咁打我的日記呢?
不過算啦!!我會記得今日件事先算啦!^^"

LUNCH打波,
睇住黎家俊一個又一個殺波俾winnie,
而winnie又好努力咁接,
雖然俾唔返我地或對方,
之後又見到樂樂而家都已經接到黎家俊的殺波,
而且又俾到我地繼續三傳,
我有點自卑同慚愧,
大家都係一同打波,
但係好似只有我無進步咁,
蘇惠基同我早就唔係同個level,
我唔想再打波,
因為我又變返以前咁差!

英文堂,NEWAPEPERS TEST,
有條好似唔識做,
之後做完,
MR LEE俾我地睇四肢不全的傳道人的短片,
但我無睇,我睇書,
之後又俾我地睇魔幻王國的花絮,
我睇左一陣又繼續睇書。

放學.....莊SIR交低兩張工作紙,
一張聆聽,一張作文,
做完走人!!

我而家咳到痴肺,
好驚咳出血,
已經FEEL喉嚨痛到連口水都無法弄好,
珊姐,我而家係到同你講聲對唔住先,
因為我驚我無辦法以最好狀態同你參賽,
雖然我叫你唔好病,
但係自己就病,
我係咪好差勁呀?!
但我會想辦法搞返掂好自己,
不過,真係要好莊重同你講聲,
「對唔住!」