尋日無啦啦黎月經,
激到我喊,搞到我又俾我隻狗咬,
之後我又俾我老豆鬧,
之後我終於忍唔住係我老媽同老嫲面前
發晒脾氣咁鬧我老豆,
所以我終於知道點解我尋日咁無心機打波,
原來因為黎月經,
女人真麻煩呀!!

今日拎住一袋炭返學,
好攰呀!!><""
集合,陸SIR又講野,
但車車未到,
同珊姐練緊歌,
但彼此都唱得差左,
之後有車到,上車,
石澳,出發!!!
到左石澳之後,
好少燒烤爐,
但係好彩我地都有爐用,
但唔識開爐,捉左劉榮幫手,
自己落手唔小心辣襯手指,
起水泡呀!!(痛痛...)
但係個火唔夠大,
成日都走左去妍妍到「借火」,
發覺自己愈黎愈有耐性咁燒排同雞翼,
呵呵......
死人羅白成日都蝦綺雯同琴琴,
搞到佢兩個向我投訴,
打左佢兩拳,
都唔死得,真係頑強- -!!
唔通羅白真係蘿蔔?!
要切先得?!
食左超多肉,唔掂了!!

玩GAME,去左沙灘到玩,
玩糖黏豆,俾人捉左兩次,
跑到我死死下,
人地仲要係黎緊咩囉!!
搞到個肚超痛,
之後個兩個GAME都無玩,
因為悶,改玩投泥球,
目標係葉世昌,
因為佢蝦妍妍,
我掟的泥球係超硬,
掟得痛人,所以我諗葉世昌佢一定好痛,
之後拍埋班相就走人了!!

石澳沙灘是也!

霆峰哥呀!!!>V<""我係霆峰哥後援會會長呀!!

死人曾浩映衰湯川教授呀!!

陳家濤龍珠登場!

MIA獨照!!