自我介紹,好多相俾班同學睇,
我終於出賣左我家姐啦,
我俾左佢張未減肥相同減肥後相俾同學睇,
同學們都好驚訝!!
哈哈.........

講真,學校係咪玩野呀?
MS TAM請假請左咁耐,
又唔講為咩事請假,
之後又叫陳SIR教,
我地知道陳SIR教得唔係幾好,
諗住佢代幾堂就走,
咁就唔介意啦!
點知MS TAM繼續請假,
我地就要繼續聽佢講書,
你知唔知呀?
連我地班的精英乖乖學生,
都話無聽書,
你話死唔死呀?
我地都聽得好辛苦,
就黎考試啦?
又話想我地成績提升,
你都要我地學得好嫁!!

數學堂,尋日份卷,
無人拎9字頭,
因為最尾個題個個邏輯都出錯,
所以無人係個題拎分,
而我就拎到86分,
之後盧SIR話份卷滿分係88分,
因為個題盧SIR無乜教到,
我都算OKAY吧!!
咁盧SIR講返之後我教得唔好個次,
問左我好多問題,
但我答案依舊係,
「我唔知呀!!、我唔記得啦!!」
哈哈- -""
盧SIR有讚我,
雖然好開心,但承受壓力大左,
只好同自己講:
「鄺倩彤,唔想瘀,就唔好肥佬呀!!」
加油...!!

英文堂,黎左一個新的外籍老師,
都唔錯!!可惜我的英文水平依舊差..
之後返到課室,繼續睇魔幻王國,
但我睇書,《神秘谷》呀!!
都OKAY好睇!!
咁係今堂,魔幻王國就睇晒啦!

LUNCH,偶然同阿沾一齊坐,
大家對談,就覺得好開心
其實我一直對家姐的男同學存有一種唔知點的情愫,
面對佢地,會有種驚的感覺,
但係又好想同佢地一齊,
之前就好似吳海棠,
而家就係楊寶沾,
雖然歐東健都係家姐的同學,
但係我之前都識佢,
所以都無乜驚,
但都有少少啦!!
怪怪的.......
winnie因為佢的男同學而喊,
對於佢黎講誠信好重要,
的確係嫁!而家而對佢,
我發覺自己其實係好冷淡,
樂樂佢地雖然平時成日都同佢嗌較,
但係佢唔開心個陣,
佢地真係會好用心咁安慰佢,
反之我其實好冷淡咁望住佢,
一句安慰的說話都講唔出,
可能我真係唔識做人朋友,
其實對於曾浩佢地,
我都只係蝦蝦佢地,
扮晒FRIEND咁,
點解我會咁中意同班男仔玩?
係因為我只能用蝦的方法與人溝通、認識,
所以面對女仔我唔知我可以點做!

PHY測驗,程差呀!!畫圖呀!!
好驚,可以講係唔識o架,
又係數學堂,盧SIR教埋第6課少少野,
岩岩好!!
但我已經好攰啦!!
鼻塞依舊未好,
我驚我會缺氧而死!