今朝老媽無叫我起身,
好彩我自己起到身,
如果唔係,今日可能遲到,
唉...唔再信老媽啦,
明明話左俾佢聽我今日要返學,
佢又唔起身叫我,
好失望!!

返到學,食左歡姐俾我的薑餅,
嘩....超好食呀!!
歡姐真係整得超好食呀!!

之後排隊上禮堂,
好呆咁睇合唱團佢地唱歌,
但係淨聽到揸咪個個把聲,
好無奈!!
楊靜我見唔到你o架?!

跟住老師俾我地睇左一段片,
係一個牧師黎的,
佢講:「你叫你老公去搵野,
佢係搵唔到的!因為六千年黎都係咁,
如果唔係點解係伊甸園阿當咁耐都睇唔到禁果,
夏娃一見就見到!」
佢講到呢到,
成個禮堂的人都笑,
我都覺得超好笑!!

到慶祝會,玩遊戲!
好似講得太過火,
榮B我出賣左你呀!!!
搞到你要去同陸SIR講"我愛你"
不過陸SIR無啦啦叫人排隊,
即O咀,但係佢回返榮B:
「哦,我知你愛我啦!副校長鬧緊人,
唔好嘈住佢!」
超搞GAG!!
之後又收到兩位禮物,
正正,,,!!

放學,等左winnie超耐都唔人,
返屋企,之後send左訊息俾佢,
佢又叫我落樓下,
俾左幾件cakes我,
好好食呀!!我超中意cheese cake呀!!

尋日睇伽利略,
當草薙SIR同湯川教授講:
「現場有個沙灘,個到有好多著三點式的女仔!」
栗林先生就話教授唔會去的,
但係佢未講完,
教授就舉起隻手STOP佢,
教授就問草薙一句:「碧波蕩漾?」
之後草薙SIR答:「湧埋黎呀!」
教授雖然無答話去,
但係佢的表情已經表明佢會去,
我真係覺得教授超得意呀!!
雖然係個天才,
但係思想同其他男人都一樣,
而且都好直接,
咁樣令佢好可愛呀!!!
我一諗到呢到,
我都會心一笑,
我好中意教授呀!!!!