尋晚訓前無食朱古力,
所以訓度到天光,
病都好返d,
但係家姐同鄺偉銘都咳咳地,
家姐把聲仲沙沙地添,
好擔心佢今日唱唔到歌呀!!

PHY堂,一開頭就問MS LAM尋日份功課的問題,
但係MS LAM可能發現左係功課,
所以答D唔答D,
搞到我明D唔明D,
但係我係PHY堂做晒份功課,
唔使拎多本書返屋企啦!!

A-MATH堂,
差唔多成堂都講緊尋日堂課的問題,
最後15分鐘就講新一課,
直綫族喔!!!
好難啦....
積積埋埋咁多式,
到考試個陣都唔知點死!!

中文堂,講書,
但係莊SIR又講D其他事,
搞到我地成日都笑,
之後莊SIR又俾我地做一D問卷,
係有關九型人格,
我做完169條問題後,
又逐條逐條咁計數,
結果得出我係第7型人格---歡樂型,
但我點都覺得自己係第二型人格---助人型,
係個聆聽者,
之後我地早放兩分鐘,
因為今日我地LUNCH個陣
要去尖沙咀文化中心聽音樂會!
但係我地要1點搭2就集合,
個個都衝晒去排隊買野食,
去到儲物櫃我先知原來係成級中四一齊去,
所以加加埋埋都有好多人衝去掛隊,
好彩我唔食LUNCH,
唔使排隊咁麻煩。

之後集隊,不過今日又係午間鬆一鬆,
所以好多老師都落黎打波,
我有史以黎見到談永亮老師,
同林寶豐老師都識打排球,
超勁呀!!!!!!!!!

跟住我地成級就搭城巴!!
無錯,係城巴,
學校租左兩部城巴俾我地搭,
好YEAH呀!!!
上到車無幾耐,
見到莊SIR訓著左,
超得意呀!!之後吳永健映低左佢,
好想要個張相呀!!
去到尖沙咀文化中心,
我同珊姐係咁映莊SIR,
當莊SIR同陳家濤講野個陣,
濤發現我地映緊莊SIR,
(我相信佢係以為我地係映緊佢)
就指住我地,
咁莊SIR就係個刻望左過黎,
而珊姐就咁岩捕捉到個MOMENT,
睇返,超型仔呀!!!!!

聽音樂會,當我聽到第三首個陣,
已經訓著左,但係又唔敢訓得咁明顯,
時訓時醒,
偶然見到陳家濤訓埋係妍妍個肩頭到,
超咩囉!!!!!!
之後望向莊SIR的位置,
莊SIR戴眼鏡,好型呀,
又係另一種風格,
好想映低佢,
但係一散個陣,
莊SIR急急腳咁走人,
搞到我地想映都映唔到!!
超可惜!!

之後返到觀塘,
屈左邦邦同豬騰請我食野同飲野,
好衰呀我自己!!
返到屋企,仲要做功課同溫習,
攰死人咩!!