昨日考完 Eng. Oral, 不過不失。

與四號考生緣盡於陳南昌紀念中學。

今日去 bossini 面試, 2 : 30 p.m. 開始, 面試者介紹自己後, 再由主持人講解少少工作性質, 之後便叫我們返屋企等電話。

一星期後都冇收到電話, 即代表不獲聘。

出到去見到一大堆人排緊隊, 心中打了個突, 我諗每日都有百幾人上來應徵。

十分懷疑自己有否機會獲聘。

自從考完 M&S 後, 每天的活動便是早上在為 JUPUS 選科, 下午不停地看頭文字D的卡通片。

最近玩頭文字D面臨一個瓶頸位, 很多關都無法跑得更快。

開始領會到秋名點樣玩。

明天考 Eng. Oral , 之後去搵工。

前日係荃灣聖芳濟中學考完 Chem.

不得不提的是考場的椅子十分舒服,

Paper 1 的 Section A & B 不分難, 最多只能合格, 能否更上一層樓就只有靠 Section C 的 Essay, 幸好在那六天我有重複溫 Metallic Bond & Structure and properties of substances, 否則 Essay 都分分鐘死埋。

Lunch 時在該校門口轉彎處的餐廳食, 食完之後係 12 : 15 p.m. 而天天遊戲機中心就係對面馬路, 我冇帶野去溫, 返考場又要等成個鐘, 我唔打機可以做乜?

於是入去打�W幾鋪頭 D 及 Gundam, 原來我一個人也可以過到頭四關, 第五及第六關都有破關的紀錄, 不過需加幾個錢罷了。

之後返到考場, 之前以為我在該處冇朋友, 但返到去係雨天操場, 那裡有一處供學生食 lunch 的地方, 不過已被考生佔領。

發現�W補習社的阿威, 而坐在我面前溫書的一男一女, 則分別是我的小學同學, 勾起了我不少回憶, 我憶起那個女的在小學時十分害羞, 如今仍然未變, 不過卻散發出另一種特別的味道, 男的則沒有多大改變, 事實上, 我是留意到男的才注意到女的。

不過我敢肯定他們已經認不出我, 多年不見的同學在考場中面對面坐著, 其中一方卻不認識對方, 那種感覺十分奇妙。

經常會遇上以上場面。

考 Paper 2 前, 我十分擔心會否像考 Mock 時一般, 一個宇都寫不出, 當監考員派發試卷時, 我凝望著面前的試卷, 懷疑一年Pass paper 都沒做的自己, 能否安全地捱過這三小時。

而事實證明這是不用擔心的, 做做下發覺開始後四十五分鐘, 我仲做緊第二條, 我才驚覺我做得太慢, 於是加快速度, 當完成 Section A 時, 只剩下四十分鐘, 這時我真的驚我唔夠時間做, 最後一題見到識的便做, 有一些部分我相信只要再多一些時間便能做到, 但我卻不夠時間, 我都覺得十分荒謬, ccc2006 一向不是在 Chem. 的考試中都是時間充裕的嗎?當時的我又驚又喜, 驚不夠時間, 喜是因為仲寫到野。

最後我都只能夠在最後一題做到一眼望落去就識做的題目。而學生的活動亦令我決定寫投訴信, 因為他們把皮球踢向禮堂的門上, 而我又坐在近門的位置, 嚇了我兩次, 我相信這是我時間不足的一個原因。

考完之後去食野, 打機, 再食飯。八點多才歸家。

仲有三日說考 Chem. 但我依然一 D 信心都冇

今日帶�W Acid-base equilibrium, chemica equilibrium, redox equilibrium 既 Past paper 去圖書館做, 由95年開始做, 大乳牛話這些是孰分, 但我就冇一題做我晒, 原本以為上午可以完成, 點知做到八點幾先做得完, 其實係睇晒。期間負面思想再次湧現, 令我恍惚回到中七時的 Chem. 補課時段。

怎麼辨?

前日的 Bio. 考試始終能夠笑住口走出試場, 以一個輕鬆的心情去打機。

最近 Ringtone 同大乳牛都成為了超 Lee 的徒第, 玩 Gundam. 又玩泰鼓。

希望考 Chem.  個日我都可以笑著走出荃灣聖芳濟中學, 再以一輕鬆的心情去打機。

明天在何傳耀考 Bio.

自從考完U.E. Section A 之後第二日已經開始溫 Bio. 溫�W一兩日後已經不停咁做 Past Paper, 做�W八年。

做�W咁多年, 我相信成份卷都應該坐D 望 C。

不過今天與大乳牛的一席話, 卻令我對鮏 C 的希望近乎消失掉。

假如 Overall 個 grade 好似 C.E 咁淨計考試的話, 只要我在考試當日真的能發揮出水準, C 應該無問題, 不過佔 30% 的 TAS 卻成了我的一大障礙。

直到今天, 我才察覺到忽視 TAS 的嚴重性。

Bio. Group 的同學見我中六七咁頹都應該知道我係 TAS 係 Below average 個位, 在圖書館中粗略計算, overall 個 Grade 要有 C, 要係 Paper 1 & 2 加埋有 145 / 200, 先可以, 但我做既  Past Paper , 最好個份先得 123 / 200, 差成廿分。點得?

假如 Bio. 先鮏到 D, 加上 Chem. 個 Grade 都應該會差過 Bio. , 假如真係咁, 我真的會入唔到 U。

我懷疑我明天是否能笑著向何傳耀說再見。

這兩天在城門谷附近的何傳耀考 U.E.

去到考場, 無 7B 同學, 我已經知道要一個人食 lunch

Section B 選咗第四題, 起咗少少稿之後不斷寫, 最後都夠字同夠時間, 我都相信自己冇離題。

唔知點解 Section C 開始, 我便意識上要跟左面的女仔鬥快做完份卷, 不過真係發揮得冇咁好, Summary cloze, 做到迷失咗, 應該成 Part 得幾分。

考完 Section C 下雨, 真係要一個人食 lunch

Section E 都係同左面個位女仔鬥快, 呢招幾有用, 做份卷的速度比平時做的速度快了, 不過我卻很懷疑那張草稿紙的作用, 因為跟本冇時間起稿。不過 Part 2 就係咁抄抄抄, 冇時間去整理答案。最令人難忘的是考試時出面響雷, 成個考場的考生在雨聲及雷聲下衝剌, 好享受這過程。最後都好彩夠時間完卷。

第一日考試完結照例去打機, 幾經辛苦下制霸赤城, 高橋啓介真係好難嬴。

返到屋企無乜心機, 十一點幾刷牙時先記起要將收音機放進書包。

當某人為 Paul Pope VI 的學生打氣時, 左面的女仔在偷笑, 我方知道原來她來自保祿。

今日唔知點解就係冇火, 冇狀態, Part 1 已經漏咗幾個平時不應該失的 Point, 我已心知不妙, Part 2 仲大鑊, 我跟本唔知佢想點, 唔知應該寫甚麼, 但係個人就係咁講, 跟唔上, 亂咗, 今次真係唔夠左面個女仔勁, 成個 Part 2 寫滿晒字, 唔單止係佢, 其他人都係咁寫, 我坐咗係度, 隻手想寫但又寫不出字, 灰咗, Part 3 同 Part 1 一樣, 不太好。

原來係試場俾人咁樣屈肌的感覺真的不太好。

返到屋企上網, 知道自己在 Section C Proofreading 犯錯, 又灰咗, 雖然我都知就算成個 Proofreading 冇晒分我都會合格, 不過我依然唔開心。

係自己相對較拿手的一科失手, 總不是味兒。

不過我要提醒自己更重要的兩科 AL 還在後頭。

中化科終於考完了。

三十號考作文, 閱讀及文化篇章, 去到林護後, 發覺原來我係個度真係冇乜朋友, 同我打招呼的只有 Karen Cheung 及之前中化 Oral 的 Group discussion 的四號考生, 不過其實四號考生並不怎麼美麗。

作文選咗第三題的建議書, 係管理個 Part 寫得太多, 結果差點不夠時間。

閱讀理解則比我想像中容易, 雖然我不知道有否給題目誤導。

文化篇章十分困難, 冇一條適合我, 最後我選咗第一及二題, 做完第一題後, 我已經冇乜戰意, 結果吹咗唔夠一頁紙就收工。

三十一日的聆聽比我想像中困難, 很多答案都 uncertain, 最令人膽戰心驚的是最後一部份, 要考生綜合各段錄音作答, 佔20分, 最多扣至 0 分。我都唔肯定我會攞甚麼 grade.

不過我相信 Overall 應該會合格。

不得不提的是林護的學生十分馴良, 女學生大都比裘記的高。

溫咗Chem. 成一個禮拜, 不過我卻覺得我沒有什甚麼得著。

尋日考完中化 Oral

入到全完報到室, 我都估唔到個位負責點名既人員會係點名時同攞 Label 時第一個叫的考生編號, 而且我更要做紅組第一號考生。

預備室既負責人員是一個四十多歲的女人, 好風趣, 關門後, 她便向大家說你好, 我們冇回應, 之後佢再說多一次你好, 我們才有些少的回應, 跟住佢話我地好害羞, 「咁陣間點算?」, 大家 O 咀。

之後她便講解規則, 最後, 她說:「至於一號既考生幾時先可以揭開試題......」佢拿起一個正在到數中的計時器, 得番廿幾秒 「就係係個計時器響起個一刻, 睇下我既三分鐘個人短講控制得幾好!」我們再一次 O 咀。

題目係  橋 , 去到考室, 我先講橋的功用係將事物連繫起來, 再講其實分為地點之間及人之間的連繫, 但當我講到人之間的連繫時我開始口窒, 而且我亦發現仲有太多時間剩, 結果我講剩1分十多秒。

返回備試室, 預備室既負責人:「頭先考成點呀? 考得唔好唔緊要, 下一 part 再追番, 飲杯!」這時好拿起桌上的水杯, 示意我們可以喝水。

小組討論既題目係一條共識題, 我係一號, 二號考生聲線溫柔, 而且對國文化有很深的認識, 三號考生係染的, 四號考生十分美麗, 眼神明亮, 卻不拒人於千里之外, 我很喜歡一邊望著她一邊聽她說話, 五號考生雖然樣貌十分傻, 但說話流利, 首論發言後, 我發覺大家都有一定的共識, 不過卻有些少分岐, 我都講咗三四次, 不過最後, 三號考生無端端指名道姓問我的意見, 但我當時 Feel 到自己已詞窮, 於是作出讓步, 最後我們不但達成共識, 而且係意見一致, 不過全 team 人講既 point 唔夠多, 而且我都唔知我的讓步會否被扣分, 二及四號考生在考完出課室之後立刻談話, 仲一起離開試場, 我猜想她們是互相認識的。

我相信我應該合格。