我今日搞咗好多爛gag

估唔到睇書睇到唔覺得眼瞓既情怳再次發生係我身上。

今次令我搞成咁既書不再是 J.K. 羅琳所著的《 Harry Potter 》或 JRR Tolkien所著的 《 The Lord of the Rings 》, 而係由丹. 布朗所著, 尤傳莉所譯的 《 天使與魔鬼 》一書。

係書展買咗佢返黎之後, 先係同日由十一點幾睇到兩點, 再係今日十一點睇到一點半, 之後由兩點一直睇到八點先至 KO咗佢。

假如我可以以睇 《 天使與魔鬼 》既專心及享受既程度睇C.C.Lee 既 《 Organic Chemistry 》就好了, 我想。

今日去咗書展。

其實我都唔明點解我要去, 問心個句, 我唔多想去, 不過可能我唔想將來後悔, 或者想係出面hea一日, 所以我先要去。

好彩細妹係星期五個日已經去過, 否則又要陪佢地去。

十二點正孤身由石蔭出發, 一點幾入會場, 跟住就係會場內四處搜索, 會場內提供的食物亦有一定的水準, 可幸的是終於食到唔會令我作嘔的麵包。

最後行到六點鐘走人, 買咗三本中文書, 我原本想買《 達文西密碼 》的英文版, 可惜我覺得本書太細, 更要命的是當我翻看此書時, 有一種強烈的力不從心的感覺, 惟有買中文版。

歸途上見到西裝骨骨的志豪, 佢成個人似乎唔同咗。

總是覺得今年Form 6 真係好似一場戲。

幾個人編出來的劇情, 由初時的模糊, 變成今日的明朗, 希望不會變得白熱化。

那句話算是宜戰嗎? 很突然。

希望不要殺出另一個主角。

欠人的實在太多, 但我總是欠缺動力。

在上一個星期, 沒有一天是在醒來時是感到精神的。

***

尋日幫我隻錶所拍的一張相 :

當一個人冇對象時, 佢唔會介意有幾多人愛上佢, 也許會希望越多人鍾意佢越好。

但當對象出現後, 佢只會希望愛上佢既係佢既對象, 其他的都不再重要。

***

有點明白 「 有情飲水飽 」的意思。

***

不太想同家中任何一人說任何一句話, 不太想聽到家中任何一人的聲音。

我經常都會要求自己必須得到一D我冇可能得到既野, 經常幻想自己得到一D自己好想得到但冇可能得到既野。

很想擁有, 卻不可能擁有。

以後對住父母講野要更加小心至得。

我細妹就係唔係太清楚係適當既時候講適當既野, 幾時要出聲, 幾時要收聲, 甚麼事應宣之於口, 甚麼事應永埋心底, 結果日日被爸爸鬧。 冇錯, 我真係諗唔到有邊一日阿爸唔鬧我細妹。

***

今日返學校先有被拘留成績表, 聽到一則令人意想不到的消息, 聽到一句有弦外之音的說話。

之後仲要返學校獨自係702室做Chem. , 當其他同學係白枱燒烤, 我就要孤獨一人係間密室入面做Chem. , 好彩有M . Y整咗一D野俾我食, 先至可以令我不會分心睇窗外的籃球賽。 D野幾好食,  雖然隻雞排有一部份似乎唔多熟, 不過我一D都唔care, 我有得食就已經好好, 請容許我係度向佢講聲多謝。

做到5點十個字左右俾阿嬸趕走, 之後去搵Ms 袁, 一直到6點十個字左右先走到, 之後去咗M 記食野。

一返到鋪頭, 就得知一個令我好唔開心既消息, 阿爸見我Chem.  咁差, 搵咗人幫我補習, 阿爸叫我唔好同任何一個人講, 但係我偏偏就要係度講! 我由小一補習補到中五, 估唔到而家連A- Level都要補, 不知由何時開始, 我已經將補習與無能二字扯上關係, 我唔想連我慬餘的自尊都失去, 就算我以後係Chem.既測驗攞滿分, 我既心底仍會有陰影, 我唔想浪費阿爸D錢及自己既時間, 點解我唔可以好似其他人咁過自由自在的生活? 睇黎阿爸阿媽一日仲係度, 我就要活係佢地既陰影之下。 我唔想再做扯線公仔!

***

現在是二零零六年七月十一日下午七時四十七分。

頭先孰拾自己的物品, 丟了一大堆在本人書櫃中的會考歷屆試題, 以及幾本係中四及中五時讀過的教科書, 幾唔捨得佢地。

之後心血來潮, 想搵返二年前歐冠杯既報紙出黎, 點知唔見咗, 好可惜, 好似冇咗一段回憶咁, 本人可堪回味的回憶已不多, 而家更買少見少。

我一定要將今屆世盃既報紙好好地保存!